Kan karuintik mekapik Tiuswan mørik køn

Josépe Jacobwai wentø nusrkain kuik køn. Mayor nusrkaløpe nepua ashipelø kuik køn Jacob Joséwan latrø nu untarapik kui. ¿Nømpe maik mørørai inchipelø kuik kera? Latrø køtrø pusrkuai asha tsalø inchipelø kuik køn. Kan kualøm, nøpe piaikkutri nunelan trupurap wamintik køn. Ik piaikkutri nøm wentøsrø Joséwai metrap tømpasra pøntramik kui kuenta køtra, nømpe más tsalø kui aship mentik køn.

Kan kualøm Siquem ciuda pulusrø Joséwai nunelø upishameran aship køpen, Jacobpe Joséwan ørik køn nui nunelan ashchap intrai. Nømpe yapsrø atrik ashape trentaik køn: “Tru piainabiibe øsrø arrun, [¡kuetchikun!] cha”. Nømpe kemørape latrø nu trapyu kekutchen nui nunek Judápe trentaik køn: “Kuetchimukun mejor karuintik mekantrai yankun cha”. Treek mara, Egiptosrømay sruamtrai Madiánsrø penapelan 20 piezas anwai yanik køn.

Incha Joséwai kewa kuikwan kabra aniwan itølusha møskawaisrømay sruampa trencha paik køn: “¿Ñui nusrkawai kewa kuik kuita?”. Jacobpe kan namik usha kuetsitamap isua latrø isui kiship wamisrik køn mamtøken purukumkeik.

Egipstosrø pupen nu karupik Potifar Joséwan kan karuintik mekapik køntrai peninkucha, Jeupape Josépa pasraik køn. Inchawai Potifar nepua asik køn, tap kuallipik køntraptik kui. Yanayutø nø chi tøkaikwan Joséwan ashchain pasrik køn.

Potifarwai sraimpe Joséwan latrø tap møk kui asha, chull aship menta chu urastøkucha trenchipik kuik køn: “Napa waramisrkun cha”. ¿Josépe chi marik kø? Kak taik køn, “kakentø ikwan marene kalø køntrun cha. Nai karupikpe na kalø martraitamappe isumíik køn, ¿ñipe Potifarwai srain kømøtitru? Na ñipa kipene Tiuswai kapyupe kalø marøp pasramøntrun cha”.

Kan kualøm Potifarwai srai Joséwan kemøren nøpe nui kewa pasraikwan tsum lulik køn. Potifar yau pupen, sraimpe isa wamincha trentaik køn nun kemørtan cha. Inchen Potifarpe Joséwan latrø trømpøik nama cárcelyu keeren, Jeupape nøpa pasraik køn.