Josíaspe Tius Maik Martrai Karuilan untaktøka asik køn

Josías 8 pilamera tøkaik kua, Judásrø rey misrik køn. Tru urassrømpe misakmerape ídolosmeranpa, magianpa latrø nu kepasrøpelø kuik køn. Incha 16 pilamera tøkaik kua, Jeupawaimpurapikwan søl martrap intikkutri yantø 20 pilamera tøkaik misra, nø aship karup waim pirau ídolosmeranpa pek tiusesmerai altaresmeranpa pinisaik køn. Incha srapepe 26 pilamera tøkaik kua Jeupawai templon tamarøp pølpasrik køn.

Sumo sacerdote Hilquías templo umpu kan rollo, tru Tius maik karuikwan pørik wetøtraik køn. Inchippa, tru Moisés pørik kuik kuintrun. Safán, tru reywai secretario, kilkawan sruaya Josíaswan lepen, nøpe truikwan mørape wetøpeñipik køn, tru misakmera Jeupawan yantø yanaken mørmeelø kui. Inchawai, Josíaspe Hilquíaswan trentaik køn: “Jeupapa waminchi, nam chi maramikwan eshkantrai kakentø nø nampa mantø namik waintrun cha”. Inchen Jeupa kan ishuk Huldá munchi taikwan trentaik køn: “Judásrø misakpe nan wentøpasrikkutri nømun castikantrap kur cha, inchentø møyampe ka muniramøntrun, kakentø Josíaspe nan køtrømay møra marikkutri”.

Josías tru wamwan mørape, templosrømay ya, maya misakwan tuluntsuna, Tius maik karuikwan nømui metrap leik køn. Inchen mayeløpa Tiuswan mantraukutri møra martrap køtrømisrik køn.

Judásrø misakmerape Pascuan yanaken marmeelø kuik køn. Inchen Josíaspe Jeupa møra martrai pøriløyu nepua asik køn, Pascuane pilamørik maramik kui. Inchawai Josías misakmeran trentaik køn: “Pascuan martrap cha”, Jeupawan latrø yam ushameran kuetcha tranøp, temployu kasrak miirailø tøkaikpa. Inchen trune lutau, tru Pascuanpa, Pitri Levadurakeik map puraampup Jeupawan kasraktø unkua chip kuik køn. Samuel øsik uñip urasken øyeek marmuikwan marik køn. Josíaspe Jeupa martrai karuilan untaktøka møra marøpik kuik køn. Inchippa, ¿ñune Jeupawaimpurap kusremik kustantrauta?