Tius Nø Aship Karup Waikpe manakatikwain køntrun

Rey Nabucodonosor kan yem køremkeik piapen, trupurap isuptø kintrap kaimaik køn. Inchawai magia kusrepelan wama trentaik køn: “Na piaikwan chi kui tørtø eshkatray cha”. Nømpe trentaik køn: “Namui rey ñi piaikwan eshkatra”. Inchen Nabucodonosorpe trentaik køn: “Kak, na chi piaik kuikwan ñim eshkatray, treen kømupene kuetsamøntrun cha”. Katøle nømpe trencha miaik køn: “Ñi piaikwan eshkatra incha chi kenamarøpik kuikwan eshkatrumøn cha”. Inchen nøpe trencha løtik køn: “Nane ka kepenøsrkøntrap inchip lataik intan”. Nømpe trentaik køn: “Ñi maik karuikwane yu Pirau muken treekpe martraamøn cha”.

Nabucodonosorpe latrø trømpøik nama, Babilonia pøtøkatan nøtrø kusrepelan mayelampa kuetchain karuik køn, tru utu Daniel, Sadrac, Mesac, Abegnegonkucha. Inchawai Danielpe Reywan muniratra cha miawa, nøpe nui linchipeløpa Jeupawan purukutra cha miapen, ¿Jeupape chi marik kera?

Nabucodonosor chi piaikwan Jeupape Danielwan asønankarua chi kuikwan kenamarik køn. Katø kualøm, Danielpe tru reywai karuintik mekapikpa waminchap ya trentaik køn: “Nu kusrepelan kanken kuetchimøtay, kakentø tru rey chi piaikwan eshkantrap pasrar cha”. Inchen karuintik mekapikpe Danielwan Nabucodonosorwai metrap pera ipen, Danielpe trentaik køn: “Wentøsrø chi puraintrapikwan Tiuspe ñun kenamaran. Ñui piaikpe ik køn: kan latrø nu estatua tru nui turpe orotøka marik, nui pechopa, kualmerapa antøka marik, nui patsøpa tsimmerapape cobretøka marik, inchen nui srøpmerape tsantsøntøka marik, nui katsikmerape tsantsønpa chillikpa lintisaikwan ñi asik køn. Trukutri, kan tunyukutri sruk wepatrua, tru estatuai katsikyu latrø mur mekampupen, estatuape pitis misra usrøtø kutram peñen, isik icha usrøwane chishtø sruaipen, srukpe latrø nu tun misra, Pirø ørøpa pasramisrik køn cha”.

Trukutri Danielpe trentaik køn: “Ñui piaikpe ikwan kenamaran: tru oro turpe, ñi aship karupwai køpen, ñui wentau katøkan aship karup waik kutrøntrun an lataik. Truyukutri katøkan aship karup waik cobre lataik kutrapikpe Pirø mupa kuimpurap karup aship pasrøntrun. Inchen katøkan aship karup waik kutrapikpe tsantsøn lataitøwai latrø murik køntrun. Yantø srapepe katøkan aship karup waik pirisaik pasrapik kutrøntrun, kakentø tsantsøn latawai murik køp, katø chillik latawai kullaakik køp køntrun. Tru kan sruk tun misrøpikpe, Tius Nø Aship Karup Waik truik køn, ik Karup Waikpe katøkan karup putrapelan pinisha, manasrønkatik pasrøntrun cha”.

Nabucodonosorpe Danielwai metrap tømpasra trentaik køn: “Ñui Tiuspe piaikwan tørtø kenamaran, kakentø katøkan tius øyeektøwaimpe kaakøn cha”. Inchawai Danielwan kuetchip kuntrikpe, latrø nu kusrepelai utu metrap karup pasrøntrai wesrua pasrik køn incha Babiloniasrø gubernadur køntrainkucha. ¿Daniel miaikwan Jeupa mantø løtikwan ashtitru?