Møimpe Jesúspe Mesías køn

Juanpe eshkap unik køn: “Nai wentaupe katøkan na lataken kømø, más poder tøkaik attrun cha”. Jesús 30 pilamera tøkaik misren, Galileasrønkutri Jordán piyumay yaik køn Juan nun pi umpu ulsrøntrai. Inchentø Juanpe trentaik køn: “Nane ñiguen treeg marig kømdiig købendø, ¿ñiguen nan attirru?— cha”. Jesúspe trenchipik køn: “Jeupape ñi køn cha eshkan nan piu umpu ulsrøntrapikpe”. Treekkutri, Juanpe Jesúswan pi umpu ulsraik køn.

Jesús piyukutri wepia Tiuspa wamintik køn. Inchen møimpe srømpalape kurøptinchen, Jesúspe Tiuswai espíritu nuim pala kan paloma lataik køtraatrik ashen, srømpalasrønkutri Jeupape trentaik køn: “Iibe nai Nusrkai undaaraig køn cha. Nabe nuimburab truba tab kui war— cha”.

Truyu Jesúspe Jeupawai espíritun uta, Cristo kape Mesías misrik køn. Truyukutrimpunø, Jesúspe Jeupa chi martrai karuikwan yu Pirau marøp pølpasrøpik kuik køn.

Pi umpu ulsrainukkutri Jesúspe mu misak waraimøsrø ya, 40 kualømmera trusrø køtrømisrik køn. Trusrønkutri pua Juanwan ashchap ipen, Juanpe Jesús nuim pulumay pup atrik ashape, trentaik køn: “Asay cha, iibe Tiuswei tru Ubisha-unø pirauelø kaig mariilan kerranrrabig køn cha”. Juan trenchippe tru misakmera Jesús Mesías kui nepua ashchai isua intik køn. Jesús mu misak waraimøsrø chi marikwan ashchappe katøkan kusrenanikwan ashkun.