Ñui kungrekasiunwan purukuntrap inchi

Pirø mupa kuimpurap latrø nu misakmera kungrekasiunesmerayu Jeupawan kasraktø adorapelø køn. Tru Cristoi wentautø ampupeløpe tuluntsuninuk kusrenanimpurø unkua chintrap, kungrekasiunwan mømaykøpen kasraktø purukupelø køn. ¿Ñikucha nøm latawai purukuntrap isutitru?

1. ¿Ñipe kungrekasiunwan mantø tasik pepupsruku?

Kungrekasiun umpupe mayeløpa tasik pepamtik køntrun. Por ejemplo, ¿ñui kungrekasiunyu kuita køllik misakchelø kape nuchalø kuantrø warapelø? ¿Nømun tuluntsuninukmay ñi perepsrumuku? ¿Nøm chikøpen palai putrøpen purukupsrumuku, tru mamik penamiku kape ya umpu chish maramik køpen? (Leu Santiago 1:27). Trektøwai tuluntsuninuk chish maramik eshkapen øn chip. Treek purukuppe mu karuin kømøtø, masken mantraukutri marøpelø ker Jeupawanpa namui nuchalanpa untarapelø kuikkutri (Salmo 110:3).

Piu umpu ulsrailøpe kungrekasiun umpu mas purukumtik køntrun. Møkeløpe, Bibliayu maik karuikwan netøkailøpe, kungrekasiunyu metrap pera aship pøntrapelai purukupelø misramtik køntrun; incha yanayupe kungrekasiunyu metrap pera aship pøntrapelø misramik. Katøkanpurappe, nuchalø nuneløpe Tiuswai Wamwan mas waminchap precursoradon pølpasrøpelø køn. Katøkaneløpe tuluntsunik yamera marøpsrømay purukuntrap ampup, kape kungrekasiunwan purukumik mas palaiksrø purukuntrap ampupelø køn.

2. ¿Namui tøkakuiløtøka kungrekasiunwan mantø purukuntrap?

Biblia trenchipik køn: “Ñi tøkakuiløtrawa Jeupawan tap intik køntrai mar [cha]” (Proverbios 3:9). Purø tap køpik køn anchiktøka namui kungrekasiunwan purukumik, trektøwai Pirø mupa kuimpurap Tiuswai Wamwan kusrenanamikwankucha purukumik (leu 2 Corintios 9:7). Nam mantraukutri an keta traniløpa namui nuchalan chikøpen trømpøik pupen purukup pøntrer. Møiløpe an keta tranamikwan tarømara esekap ampupelø køn (leu 1 Corintios 16:2). Chukøpen tuluntsuniksrø ampa anwan pusrøp kape internetpurap donate.jw.org yu ørøp. Nam tøkakuilan tranene, Jeupawan untarapelø kui kenamartrun.

MAS NEPUA KUSREU

3. Ñi tøkakuiløtøka purukumtik køntrun

Nam mantraukutri kasraktø tranen Jeupapa Jesúspa latrø tap kui ashipelø køn. Jesúsma kan waacha piudan nø kutike tøkakuikwan Jeupawan tranøp pasrøpen asik køn. Ley Lucas 21:1-4, yu leinuk pinaku paílan waminchap:

• ¿Jeupa tap kui wantrai latrø nu an keta tranamik kø chinta?

• Jeupa Jesúspa nam mantraukutri keta tranen, ¿maik mørøraik inchera?

Nam an keta traniløtøka chi marøpelø kuikwan ashchap, VIDEUN asay. Trukutrimpe videu asinuk pinaku paíkwan waminchap:

VIDEU: Namui tasikwan netsøkankun Jeupawayasik tapelø ketiktøka (4:47)

• ¿Nam an keta traniktøka Pirø mupa kuimpurap kungrekasiunesmeran mantø purukupelø køpra?

4. Ñikucha chiyukøpen purukumtik køn

Metrapsrelø Jeupawai misakmerape an traniktø kømø, adorantrap tuluntsunik yamerankucha tap tøkakøntrap purukupelø kuik køn. Ley 2 Crónicas 34:9-11, yu leinuk pinaku paíkwan waminchap:

• ¿Jeupawan adorantrap tuluntsunik yawan israelitasmerape tap tøkakøntrap chi marøpelø kuik kø?

Møya Jeupawaiwan waminchipelø trektøwai marøpelø kuikwan ashchap, VIDEUN asay. Trukutrimpe videu asinuk pinaku paílan waminchap:

VIDEU: Jeupawan adorantrap tuluntsunik yameran tap tøkakøkun (3:31)

• ¿Namui tuluntsunik yameran chish tøkakømik, tap tamara tøkakømik chincha latrø tapik kø?

• ¿Ñipe mømaytø purukuntrap?

5. Nuneløpe kungrekasiun umpu mas purukuntrap maramtik køn

Bibliape møkelan Tiuswaimpurapeløyu mas nurantrai waminchipik køn øyamay kungrekasiunyu mas purukumtik køntrai. Kan nunek mantø nepua marikwan ashchap, VIDEUN asay. Trukutrimpe videu asinuk pinaku paíkwan waminchap:

VIDEU: Nunelø, kungrekasiun umpu mas martrap trantray (5:19)

• ¿Matsinøpe Jeupawan mas kemalla pasrøntrap incha kungrekasiun umpu mas purukuntrap chi marik kø?

Kungrekasiunyu metrap pera aship pasrapik misrtrap kape nømun purukupelø misrtrap, nunelø chi nepua marøp ampamikwan Bibliape eshkan. Ley 1 Timoteo 3:1-13, yu leinuk pinaku paílan waminchap:

• ¿Kungrekasiunyu metrap pera aship pøntrapelø misrtrap kape nømun purukupelø misrtrap isupeløpe chi maramik kø?

• ¿Nømui yaweløpe mailø kømik kø? (Versículos 4 incha 11n asay).

• Møkeløpe treek nepua martrap trantrøpen, ¿kungrekasiun umpuilan mantø purukuntrera?

¿CHI KUSREKU?

Namui utøchiktøka, namui tøkakuiløpa, namui tasik pepikpa kungrekasiunwan purukuntrap mur marøp kuikwan ashape, Jeupape latrø tap kui wapik køn.

Kusreikwan katøle isuntrap

• ¿Nampe kungrekasiunwan mantø tasik peptrap?

• ¿Namui tøkakuiløtøka nam kungrekasiunwan mantø purukuntrap?

• ¿Kungrekasiunwan ñun mømaytø purukumik kustantrera?

MAS NEPUA ASH

Nam diezmo trantrai chincha yantø Tius miamíik kuikwan ash.

“¿Bibliape diezmopurap manchipik kø?” (jw.org yu pørilø)

Bibliape møkelan piu umpu ulsrailan kugregasiun umpu lutømera martrai tranøpik køn. Inchen møkelø mukaapen, ik lutømeran ishumpur piu umpu ulsrailan maramik nepupene, ¿maik asik køntrera?

Kungrekasiunyu karuntrai wesrua pønsrailø (Asha Eshkapik, febrero 2021wai)

Møiløpe Jeupawaiwan waminchipelø nømui nuchalan Bibliaimpurap pørin kilkameran kørmø trantrap chi marøp kuikwan ash.

Congosrø Bibliaimpurap kilka pørilan nuchalan tranøp (4:25)

Jeupawaiwan waminchipeløpe katøkan religionesmera lataik kømø, anwan mantø katerapelø kuikwan ash.

“¿Jeupawaiwan waminchipeløpe chukutri an wesrapelø kera?” (jw.org yu pørilø)