¿Nam chi maramik kø Tius nun adoraikwan tap utøntraimpe?

Kusrenanik 13yu asinukma, Tiuspe maya religionesmeran tap kømui ashipik køn. Inchentø namui Ellmarøpikwan maik karuikwan adorapene nø tap kui ashchun. ¿Tiuspe møik kera religiónwan tap kui ashipik kø? (Santiago 1:27). Ashkun Biblia mantø kusrenanikwan.

1. ¿Tiuswan mantø adoramikwan chu eshkapik kø?

Bibliape eshkapik køn Tiuswan adorantrap mantø maramikwan. Jesúspe Tiuswan trenchipik køn: “Ñui wambe tru newan ciertonig køn cha” (Juan 17:17). Katøkan religionesmerape Tiuswai Wamyu maik taikwan kusrenanmelø køn, masken misak mantø wamintikwan møra kusrenanøpelø køn. Inchentø Jeupape kustaimíik køn nui karuikwan nøørø mara kusrenanen (leu Marcos 7:9). Katøkanpurappe, nampe Biblia maik taikwan tap asha tøkakuikwan møra marene Jeupa kasraktø wantrun.

2. ¿Nampe mantø adoramik kø Jeupawan?

Jeupa namun mara pønsraik køn nuntø adoramik (Apocalipsis 4:11). Treekkutri, nuntø untaktøka møra marøp pøntramik køn katøkan ídolosmeran kømøwai, imágenesmeran kømøwai, símboloswan kømøwai (leu Isaías 42:8).

Nam adorapen “Tiusweindø kønrrai tarømarig, nuin kabyu truba tab kui asig,” treek kømik køn (Romanos 12:1). Treekkutri nam øsik amønainuk Jeupa maik taikwan møra marøp amønamik køn. Nam Jeupawan untaktøka pøntrapelaimpe kasherawa warainuk, Jeupa maik karuikwan untaktøka møra marøpelø køn. Nømpe nømui asrmeran mintishintrap marmelø køn. Por ejemplo, køntsø mutsimøwai, chiwankøpen trømpøikwan kesrømøwai, mutsiramøwai.a

3. ¿Nampe chincha Jeupawan adorantrap inchipelø kø møra marøpeløpa?

Trune mørik tuluntsunik yau yaskapwan kurip pasrapik køn “Jeupawan tapik waminchap [...] kungrekasiunyu” (Salmo 111:1, 2). Por ejemplo, Tiuswayasik miirapelø ker (leu Salmo 104:33). Jeupape namun karupik køn tuluntsunik yamay amtrai untak køptø, nø aship pasrapik køn nampe tuluntsunik yamay ampene manasrønkatik kasraktø waramik køntrap kui. Tuluntsunik yamay ampen, kanikkutri kanikkutri tap kui møramik purukupelø ker.

MAS NEPUA KUSREU

4. Imágenestøka adoraikpe Tiuswai malaupe kalø køn

VIDEU: ¿Tiuspe tap kui ashipik kø chintera imágenes mara adoramik? (3:26)

• Møilø israelitasmerama Jeupawan adorapentø ídolotøka adorapen, ¿chi purayaik kø?

Møiløma imágenesmeran adorap Tiuswankucha adorapen mas pulu purmap isupelø køn. Inchentø, ¿nømpe Tiuswaiwane tarømisrøp pøntra chintera? Ley Éxodo 20:4-6 trukutri Salmo 106:35, 36, yu leinuk pinaku paílan waminchap:

• ¿Chi imágenesmeratø marik nepua ashku?

• ¿Imágenesmeratøka adorapen Jeupape maik ashipik kø?

• ¿Imágenestøka adoraikwan ñipe maik isupik kuku?

5. Jeupawantø adorap pøntrøwape isa kusrenanilan lelattrun

VIDEU: Isa kusrenaniløyukutri møimpe sí wepia pasrar (5:16)

Ley Salmo 91:14, yu leinuk pinaku paíkwan waminchap:

• Nam Jeupawan untarap pøntrapelø, nuntø adorap pøntrapelø kuikkutri, ¿nø namuyasik chi martrap misrik kø?

6. Nam kungregasiunyu tuluntsunik yamay ampape Tiuswan adorapelø ker

Kungregasiunyu tuluntsunik yamay ampape miirap, tasik kusrua løtap, Jeupawan adorap kanikkutri kanikkutri tap kui mørtrai purukupelø ker. Ley Salmo 22:22, yu leinuk pinaku paílan waminchap:

• ¿Tuluntsunik yau tasikwan kusrua løtøpen ñikan tap kui ashtitru?

• ¿Ñunkan tuluntsunik yau tasikwan kusrua løtamik kustantrauta?

7. Nam kusreikwan katøkaneløpa waminchen Jeupa tap kui mørøpik køn

Nampe chu urakucha katøkaneløpa Bibliayukutri chi kusreikwan wamintamtik køn. Ley Salmo 9:1 incha 34:1, yu leinuk pinaku paíkwan waminchap:

• ¿Ñi Biblian kusrep yaikwan chiwan katøkanelan nepua ashchai kusrenanøk kuita?

¿CHI KUSREKU?

Namui Ellmarøpikwan kasrak wantrai nuntø adorap, tuluntsunik yau tasikwan kusrua løtap, miirap, nam kusreikwan katøkanelan waminchen.

Kusreikwan katøle isuntrap

• ¿Tiuswan mantø adoramikwan chu eshkapik kø?

• ¿Chincha Jeupawantø adoramik kø?

• ¿Nampe chincha Jeupawan adoramik kø misakmera møra marøk kui inchipeløpa?

MAS NEPUA ASH

Leu kan ishuk ídolosmeran adorapik kua, mantø truikwan adoramøntrap tarømisrikwan.

“Tiuswai Wampe nømui øsik amønaikwan yunømartrai purukuik køn” (Asha Eshkapik, 1 julio 2011wai)

Kungrekasiunyu tuluntsunik yau tasikwan kusrua løtøntrap, chi maramikwan nepua ash.

“Kungregasiunyu Jeupawan maya nuken tapipe ñitøwain køn chikun” (Asha Eshkapik, enero 2019wai)

Kan matsinø kungrekasiunyu tuluntsunik yamay intrap mur kuinkucha tuluntsunøpen nun mantø purukuikwan ash.

Jeupa naimpurap tap køntrai isupik køn (3:07)

Møiløpe isupelø køn cruz tøkakuikkutrintø Cristoi wentautø ampamik kui, ¿inchentø kurustøka Tiuswai adorainuk tapik kø chintera?

“¿Jeupawaiwan waminchipelø Tiuswan adorainuk chincha kuruswan utilizamelø kø?” (jw.org yu pørilø)