WAMINCHIP PØLPASR
KUSRENANIK 4
Køtrøtik
Biblia chi taikwan: “Katøganelane ñim lataitøguen kømø, katøguchinguen nørreelø kønmab asha tøgagømig køn”(Fil. 2:3).
Pablo nø chi marik
1. VIDEUWAN ash kape Hechos 26:2, 3 leu. Trukutri pinaku paílan isu:
¿Pablo, rey Agripapa waminchippe mantø køtrøtik kui kenamarik kø?
¿Pablo kusrenanikpe nuinukkutri atrumøtø Jeupa kusrenaniløyukutri atrupik kui mantø kenamarik kø? (Ash Hechos 26:22).
¿Pablo kenamarikwaimpurap nampe chi kusrentrap?
2. Nam misakmeran kørikpala tammaytø waminchene, kusrenanikwan mørtraptøwai pøntrøntrun.
Pablo latawai mar
3. Latrø kusrepik kurmap kenamarmøta. Ñi más kusrepik kurmap isua, misakwane chikucha nepua ashmíik kui marmøtø. Masken chu urastøkucha kørikpala waminchi.
4. Ñi kusrenanikpe Bibliayukutri atrupik kui kenamar. Tiuswai Wampe misakmerai mantrøwan kepachipik køn. Bibliatrawa kusrenanene nømui fe mur pasrøntrai purukuntrun.
5. Tammay kømik køn. Kuayamøntrap isua ciertonikwan tøkakuinkucha, mentra kenamartrap inchimøta. Køtrøtik køpene namømøtø, truyukutri chu uras llirawa yamikwan nepua asamik purukuntrun (Prov. 17:14; Tito 3:2). Ñi tammaytø waminchene misakpe inchippa katøyu mørtraptøwai pasrøntrun.