Tammay wamintamik

Biblia chi taikwan: “Ñim waminchibgucha tabig mørøptø purramdiig waminchibelø kømig køn” (Col. 4:6).

Pablo nø chi marik

Atenassrø misakmeran Apóstol Pablope tap wammeratøka isuntrai waminchip pasran.

VIDEU: Pablope rey Agripan Jeupawaiwan wamintik køn

1. VIDEUWAN ash kape Hechos 17:22, 23 leu. Trukutri pinaku paílan isu:

¿Atenassrø taskatøka marik tiusmeratø netsain pasraikkutri Pablope maik mørøraik intik kø? (Ash Hechos 17:16).
¿Ateniensesmeran Apóstol Pablope Tiuswaimpurap wamintinuk, mantø tammay kui kenamarik kø?

¿Pablo kenamarikwaimpurap nampe chi kusrentrap?

2. Mantø wamintamikwan, mana wamintamikwan tsøntatø isupene, inchippape mørtraptøwai pøntrøntrun.

Pablo latawai mar

3. Chi tamikwan tap isu. Inchippape kan misak Biblian tap nepua ashmíikpa waminchip pasrøwape, tru Bibliaimpurap Jesúswaimpurap pekmay wamintamik køntrun.

4. Kan misak pella waminchen chikucha chimøta. Misak nø chi isuikwan waminchip pasrøpene, ka wamintinkaru. Bibliayu kusrenanmíikwan waminchene chikucha chimøta (Sant. 1:19). Ñi kalu pepa mørene, nø chi køreikwan chincha kørepik kuikwan nepua ashchun (Prov. 20:5).

5. Misak sølwan waminchene tap køn cha waminchi. Pesannamøta, inchippape misakpe nø waminchip pasraikpe ciertonik kuitamap isup pasrøntrun. Pailøpa chiyu lata isupelø kuikwan waminchi, trukutri lamø lamø Biblia maik kusrenanøpik kuikwan tør mar.

TREKTØWAI ASH

Prov. 25:15; 2 Tim. 2:23-26; 1 Ped. 3:15