WAMINCHIP PØLPASR
KUSRENANIK 6
Kørmø wamintamik
Biblia chi taikwan: “Namui Tius purugúitøgabe nui tabig srø wamwan chigucha chi kørig kuin kømø, eshkanrrab pønrramisrig købig køn” (1 Tes. 2:2).
Jesús nø chi marik
1. VIDEUN ash kape Lucas 19:1-7 leu. Trukutri pinaku paílan isu:
¿Misakmerape Zaqueon chincha nøørø marøp lataik intik kø?
¿Jesúspe Zaqueon chincha ka waminchap isuik kø?
¿Jesús kenamarikwaimpurap nampe chi kusrentrap?
2. Maya misakmeran ciertonikwaimpurap kusrenanamikpe kørmø wamintamik køn.
Jesús latawai mar
3. Jeupawainuktø kørewa pasrau. Tiuswai espíritu santope, Jesúswan katøkanelan kusrenantrai fuerzaswan tranik køn, ñunkucha trektøwai purukuntrun (Mat. 10:19, 20; Luc. 4:18). Misakmera kørik kømteløpa ka wamintamik Jeupawan purukutra cha miau (Hech. 4:29).
4. Misakwan nepua ashmuatøpe nuimpurap chikucha kaløpe isumøta. Kanmaype kan misak nui maløkutri kape nui kewa kuikkutri, kape puaik, kape waacha kuikkutri nø maik isupik kuikkutri, religiónkutri waminchap isumelø ker. Inchentø iløyu isu:
Jeupa Jesúspa mantrø umpu chi tøkakuilan nepua ashipelø køn, nampe treekwane ashchap kaimer.
Jeupape muntøkucha lástima ashchap wan.
5. Kørik kui inchimuinkucha isuptø pasrau (Mat. 10:16). Kuayamøntrap kørikpalatø pasrau, misak mørøk kømui inchene, kape chikøpen puraintraptik køpene tammaytø waminchip patsøkø (Prov. 17:14).