16. Tiuswan Køripala Pasrau Nø Maik Chipen
1 TIUSWAN KØRIPALA PASRAIKWAN PINAP KUSRENANILØYUKUTRI TARØMISR
“‘Tru kaig marøb misaamerai utugurrimbe webamba, yandø nøørømisray’ cha, [Jeupape] nui misaameran trendan. ‘Chigøben køsøngømdiigwane katøramøtay cha [...]’” (2 Corintios 6:17).
¿Nampe taskatøka marik tiusmerane chincha tømpasrmumik kø? ¿Yawelø kuailan chincha tømpasra miamumik kø?
-
Tiuswan køripala pøntrainuk taska marik tiusmeran tømpasra lintishimøntrai intan Jeupape.
-
Kuapeløpa wamincharmap intan, treek kømøtø kuaimantsikmerapa wamintan.
2 CELEBRACIÓNMERA, MØILANTØ TIUS TAP KØMUI ASHIPIK KØN
“Tiuswan latrø tap wantrai intikwan nepua ashipelø misrtrikay” (Efesios 5:10, TNM).
¿Celebraciónyumay yamik, tapik køtashchap, kalø køtashchap, maik kuikwan nepua asamik ñi chi maramik kø?
Ezequiel 44:23; 2 Corintios 6:14, 15
Celebraciónpe religiónyu ciertonikwan kusrenanmelainukutri atrupik køpene umpusrønkatik tap nepua ash.
-
Misakmera celebraciónmera tap køntrai isua marøpelø køpenken Jeupawai kapyupe treek kømupsruintrun.
-
Kan celebraciónyu misakmeranpa, urkanisasiunmeranpa, símbolos patriosmeranpa køripala pøntrøntrai martrap inchene imøta.
1 Timoteo 1:18, 19
Chikøpen martraptø tap isua maramik køn. Jeupawai metrap ñui isup kepatikwan chish pasrøntrai.
3 ÑI KØREIKWAN TAMMAY ESHKAU
“Ñim waminchibgucha tabig mørøptø purramdiig waminchibelø kømig køn, kan mamigu tre may larri lataig, chull møramdiikke, mundøgucha mandø løtamigwan tab løtabelø kønrrab ñim tøgagømig kønrrai” (Colosenses 4:6).
¿Ñi køreikwan katøkanelan mantø eshkapsruku?
-
Kanelø chikøpen martrap inchen chikucha chimøta, trektøwai ñikucha chikøpen martrap inchen chikucha chimøntraimpe.
-
Ñi køreikwan waminchip wawape kuayamø tammay waminchip løtø.
1 Pedro 3:15
Ñi køreikwan purømisrtrappe kuayamø tammaytø mar.
-
Tuluntsunik yayu ñi kullaramøntrai tap wammera utøntrun. Møikkøpen ñi cierton kømuikwan kørepik køn cha chipen, mantø løtamik kusrentrun.