KUSRENANIK 28
Jeupapa Jesúspa namuimpurø marikwan unkua chip pasraik kenamar
¿Ñipe maik mørørai inchipik kuku, ñui tap linchipik ñun chikøpen keten? Trupa tap kui mørørawa ñipe unkua taintrun. Trektøwai Jeupa Jesúspa namun chikøsrøn latrø nuikwan ketik køn, tru namun kaikyukutri kuamikyukutri wesruikkutri. Trupe, øyeek ketimpurø unkua chip pøntraik mantø kenamaramikwan ashkun.
1. ¿Jeupapa Jesúspape namuimpurø øyeek marikwan mømay unkua chip pøntraik kenamartrap?
Bibliayu trenchipik køn Jesúswainuk fe tøkakøpene manakatikwai øsik warøntrun cha (Juan 3:16). ¿Jesúswainuk fe tøkailø kui mantø kenamartrap? Jesúswainuk køreiktø kømø, masken namui mariløtøkakucha kenamartrun (Santiago 2:17). Trupe namui fewan mariløtøka, wamintiløtøka kenamarene, Jesúspa nui Møskai Jeupapa, namui lintikpe mas trak misrtrun (leu Juan 14:21).
2. ¿Jeupa Jesúspa namuimpurø marikwan unkua chip pasraik kenamartrap katøkane chi maramik kø?
Srape yem kuamuatø, Jesús nui kusrenanøp pera unilan nui kuaikwan isuntrai karuik køn. Ik tuluntsunikwan Bibliape “Señorwai Mamik køn” cha wamapik køn. Møi kualømkucha Jesucristo kuaikwan isuntrap tuluntsunikwan trektøwai wamapelø køn, øyeek mariktøka unkua chip pøntraik kenamartrun nø namuimpurø marikwan (1 Corintios 11:20). Jesús treek martrai karuppe, nui wentautø ampupeløpe nui øsik unikwan tranikkutri isup puraampup køntrai karuik køn. Jesús tør eshkaik køn: “Iigwan øyeeg marøppe, nan isunrrab maray—chibig køn” (Lucas 22:19). Trupe ñi Jesús kuaikwan isuntrap tuluntsuninukmay ipen, Jeupa Jesúspa namuimpurø untak kenamarikwan unkua chip pasraik kenamartrun.
MAS NEPUA KUSREU
Jeupa Jesúspa namun untak kenamarikwan mømaytø unkua chip pøntramikwan ashkun, incha Jesucristo kuaikwan isuntrap chincha palømø lintamik kui.
3. ¿Unkua chip pøntraik kenamartrap chi maramik kø?
Ñiken isu, ñi pi kesra kuantrap inchen, mukøpen atrua wesrapen, ñipe øyeek marikwane manaken pesannamøntrun masken unkua chintrap chikøpen martrun.
Treek latawai, Jeupa namun kaikyukutri kuamikyukutri wesruik køn. Ley 1 Juan 4:8-10, yu leinuk pinaku paílan waminchap:
¿Jesús kuaikpe chinchatre latrø tapik kø?
¿Jeupapa Jesúspa øyeek marikwan isupene, ñun maik mørørankarupik kø?
¿Jeupapa Jesúspa namuimpurø marikwan unkua chip pøntraik mantø kenamartrap? Ley 2 Corintios 5:15 incha 1 Juan 4:11; 5:3, yu leinuk pinaku paíkwan waminchap:
Trupe, ¿unkua chip pasraik mantø kenamartrap?
4. Jesús latawai martrap inchipelø ker
Jesús latawai marene, unkua chip pøntraik kenamartrun. Ley 1 Pedro 2:21, yu leinuk pinaku paíkwan waminchap:
¿Jesús latawai amøñintrap chi maramik kø?
Jesúspe Tiuswai Wamwan untaktøka aship, Tiuswai Wamwan kusrenanøp trektøwai katøkanelan purukup inchipik kuik køn.
5. Jesucristo kuaikwan isuntrap tuluntsunapelø ker
Srøtø Señorwai Mamikyu chi purayaikwan ashchap, ley Lucas 22:14, 19, 20. Trukutrimpe yu leinuk pinaku paílan waminchap:
¿Truyupe chi purayaik kø?
¿Pitri vinopape chi kenamarøpelø kø? (Versículos 19n incha 20n asay).
Nui kusrenanøp pera unilan pila mørik nui kuaik kualømyu, nø kuaikwan isuntrai karuik køn. Inchawai Jeupawaiwan waminchipeløpe pila mørik Jesús kuaikwan isuntrap tuluntsunapelø ker, Jesús maik karuik treekke. Ik tuluntsunikwan maik marøpelø kuikwan nepua ashchap, VIDEUN asay. Trukutrimpe yu videu asinuk pinaku paíkwan waminchap:
¿Jesús kuaikwan isuntrap tuluntsuninuk chi marøpelø kø?
Pitripe Jesúswai sølkantø asr lataik køn tru namuimpurø tranik. Incha vinope nui ani lataik køn.
MØILØPE TREEK ISUPELØ KØN: “Kaikyukutri wesraik kømikpe Jesucristoinuktø køreik tsapø køn cha”.
Køreiktø tsapø kømui tru mas maramik kui eshkantrap, ¿ñipe Juan 3:16wan incha Santiago 2:17wan mantø kenamarøpsruku?
¿CHI KUSREKU?
Jesús namuimpurø marikwan unkua chip pøntraik kenamartrap, nuinuk fe tøkailø kui kenamarøp, Jesús kuaikwan isuntrap tuluntsunamik køn.
Kusreikwan katøle isuntrap
¿Jesúswainuk fe tøkailø kui mantø kenamartrap?
¿Jeupapa Jesúspa ñuimpurap marikwan unkua chintrap kustantrauta? ¿Inchentø mantø martrap?
¿Jesús kuain kualømyu nø kuaikwan isuntrap chincha tuluntsunamik kø?
MAS NEPUA ASH
Jesucristo kuaikpe namun chi martrai purukupik kuikwan ash.
Fe chi kuikwan incha mantø kenamaramikwan kusreu.
“Jeupa martrap misriløyu fe kenamarkun” (Asha Eshkapik, octubre 2016wai)
Jesús kuaikwaimpurap kusreikpe kan ishukwan nui øsik unikwan yunømartrai purukuik køn. Nun chi purayaikwan leu “Møimpe pishintø tap uñar”.
“Tiuswai Wampe nømui øsik amønaikwan yunømartrai purukuik køn” (Asha Eshkapik, 1 agosto 2011wai)
Jesucristo kuaikwan isuntrap tuluntsuninuk pitriwan map, vinon muchip chincha mamtelø kuikwan ash.