¿Chincha øsik uñchap?

DIANAPEa latrø kusrepik, kasrakik, tammay køn. Kasraktø uñip asønapik kuinkucha latrø isui uñipik køn, chiwainken servimíik kui lataik. Treek isup uñippe, latrø yam pølmera køn. Dianape trentan: “Kualømmørik kuantrap isupik kur, na øsik uñmuimpe más tapik køpsruintrun cha”.

Dianape kuantrap isupentø nøasiktøwaimpe nui øsik unikwan ketrantrap kaimainkucha, nøpe trentaik køn: “Kan accidenteyu kuaimpemap isupik kur, kakentø naimpe kuamikpe kaik kømø masken latrø tapik lataik kuikkutri”.

Latrø nu misakmera Diana latawai mørøraik inchipelø køn. Møiløpe nømui øsik amønaikwan ketrantrap isup, katøkaneløpe nømui øsik amønaikwan ketrantrap inchipke. Nøtrø kusrepeløpe trenchipelø køn, nømpe nømui øsik amønaikwan patsøkøntrap kømø, masken nømui mur kualømmeran patsøntrai isupelø køn cha. Trenchipelø køn, nøm kuapen chishtø patsøntrun cha. Inchentø nømpe chincha metraptø ampamik kui nepua asamik palailø køn.

¿Chincha øsik uñchap? Ashkun pønkatø chincha metraptø ampamik kui.