MISAKMERA PEK PIRAUSRØ MAIK WARAIKWAN ESHKAPIK
Camboyasrø maik kuikwan ash
CAMBOYASRØMPE yameran pi puluwan pøntran, galeríamerayupe yanampa katø penampa callesmerayupe mototø netsø pøntran, kulekameran nikap, hasta neverasmerankucha nika ampupelø køn.
Camboyasrø misakmerape kanpalatø untaktøka linchipelø køn. Møi nepua asintøkucha ampukutri ikutri latrø tap wamapelø køn: nuchak, nunek, numøsrai kape tía, tíu, awela y awelu.
Møiløpe Camboyanospe pi palawan yamera marinuk warapelø køn. Yamerape pi pala køtrømø pøntran, mø yamerape tsik pøsraim pala marilø pøntran, kusrenanik yamera, mø marik yamera, tiendasmera, gasolinerasmerakucha pi pala pøntran.
Pitahaya kape fruta del dragónwan Camboyasrelaimpe latrø asik køn.
Camboyasrømpe kualømmørik arrozpa, pescaupatø mapelø køn. Camboyasreløpe pipkatø plato pønsra pek pek mamikmera mapelø køn, kan platope tsula tøkaik, nøm mamik map putrainukpe kørapik tøkaik kui kape møpik kui mapelø køn.
Metrapsrø 2000 pilamerayu, Indiasreløpe penap yanøp Chinasrømay ampape, Camboyapurap puraampupelø kuik køn. Nømpe telanpa, metalwanpa yunømarøpelø kuik køn may itrap tsikmerapa, marfilpa, oropa treekkutri yanayupe Indiasrelainukkutri, Chinasrelainukkutri yamelø Camboyasreløpe hinduistasmera, budistasmera køtrømisrik køn. Møin kualømpe, 90% Camboyasreløpe budistasmera køn.
Camboya país ørøpa Jeupawaiwan waminchipeløpe Bibliayukutri tap srø wamwan waminchip amønan. Latrø yam misakmeran ¿Qué enseña realmente la Biblia?, pørin kilkatøka purukupelø køn. Ik pørin kilkape más de 250 trikmay pørin pasran Camboyanomaykucha.
Más de 1.500 Camboyasrelø Jeupawaiwan waminchipeløpa Biblian kusrepkøn. Treekkutri nam kuapen chi puraipik kuikwan, Tiuspe misakmeraimpurap chi martrap kuikwan nepua asha pøntran.
Pørin kilka ¿Qué enseña realmente la Biblia?, Jeupawaiwan waminchipelø pørik, Camboyano trikmay pørik køn (foton ash).