KUSRENANIK 15
¿Ñipe chinchakutri Biblian kusrep yamik kø?
1. ¿Ñun mantø purukuntrera Biblian kusrep yamik?
Yukatik Bibliayukutri ketriku ñi kusrep atrikpe ñui untakwan Jeupawaimpurap nurantrai purukuik køn. Tru untak manakucha nurap pasrøntrai palapik køn (1 Pedro 2:2). Ñi manakatik øsik kømikwan utøntrappe, Biblian kusrep, Jeupawaim pulu pasramik køn. Leu Juan 17:3; Judas 21.
Ñi Tiuswayelan lamø lamø kusrep ipene, ñui fe mur pasrøntrai purukuntrun, treekkutri Tiuspe ñun tap kui ashchun (Hebreos 11:1, 6). Fe tøkakuikkutri, ñui kalø marilan isua mørtrai, ñui øsik uninuk tap maywan kemøra uñchai purukuntrun. Leu Hechos 3:19.
2. ¿Ñipe katøkanelan mantø purukuntrap?
Ñipe Jeupawai trak linchipik køntrun
Ñipe Bibliayu tap wammera wetøtrailan katøkanelan waminchik kui inchun, pøs nampe søteløpa tap wamwan wamintamik kustailø ker. Biblian kusrep yainkuintø, ñipe Bibliatøka Jeupawayelanpa tap wammera tøkakui misakmerai wamintan kusrep intrun. Leu Romanos 10:13-15.
Møiløpe, nømui yawelanpa nømui linchipelanpa Tiuswaiwan waminchipelø køn. Nømpa waminchippe køripala tammay waminchi. Nøm kørewa pøntrailane kalø køn chimøtø, masken Tius martrap misrilan waminchi. Pesannamøta, misakmerape ñi wamintikwan kømø, ñi maik marøp unikwan ashipelø køn. Leu 2 Timoteo 2:24, 25.
3. ¿Ñi Tiuspa lincha pasraikpe maik køntrai tamaku?
Ñi Biblian kusreikpe Jeupapa mas trak lincha pasramik, Tiuswai wamyutø mas amønamtik køntrai purukuntrun. Ñipe Tiuswai nusrkai kape nimpasr lataik kømtik køntrun. Leu 2 Corintios 6:18.
4. ¿Ñune chi purukuntrera metraptø intrai?
Tiuswai wamwan kusrep yamikwan lelachimøta (Hebreos 5:13, 14). Jeupawaiwan waminchipikwan kusrenantra cha miau, ¿Qué nos enseña la Biblia? asinkilkatøka. Ñi mas kusrepene ñi øsik uninuk masken kasrak uñchun. Leu 1 Timoteo 4:15, 16; Santiago 1:25.
Ñiken isu, Bibliayukutri tap wammørøsrailøpe latrø tap mørørap Tius Jeupa køn, trektøwai ñi Tiuswai misakpa tuluntsunøpen nun mas trak lincha pasramtik køntrun (Hebreos 10:24, 25). Jeupa maik karuilan køtrømisrmø marøp ipene, cierton manakatik øsik waramikwan utøntrun. Tiuswai trak linchipik misramikpe latrø tapik køn. Leu 1 Timoteo 1:11; 6:19.