1 Peter

3 Bala mea nɔɔ poan, yamam pɔɣeba wa, sirege yamea bɔ’ɔra ya sireba, la wan eŋɛ se’em ti se’em san puɣum ka nana bɔ’ɔra yelesum la, ba wan tee ge ka wum yelesum la, doose la ba pɔɣeba hala la zuo, 2 se’ere n sɔi la ba nyɛ ya halisonɛ, la ya gilema zo’e zo’e la mɛ. 3 Da basɛ ya ti ya ninnɔm la dɛna yiŋa n de zuo lua la ya yɛɛri salema lɔɣɔrɔ bii lɔɣesonɔ— 4 ge basɛ ya ti la dɛna suɣelum poan yamam n ani se’em ya suuren n de bãalam la sumama vo’osum nɔnnɔm la n ka sa’ani la, sɛla n bala n tari tuulum Naayinɛ ninin. 5 Se’ere n sɔi la diimi zilam pɔɣesi la n yuun tari puti’irɛ Naayinɛ poan la yuun nɔni bamesi la wana, siregera bamesi bɔ’ɔra ba sireba, 7 Yamam sireba wa, bala mea nɔɔ, kɔ’ɔn bɔna ya la ba doose la ya mi ba se’em. Na’aseri ya pɔɣesi la wuu lɔkɔ n ka tari paŋa, la wan eŋɛ se’em ti ya zusega kan basɛ yoo, se’ere n sɔi la bamam la yamam laɣum dɛna la nabiisi ti ba zu’usɛ, ya vom poan la. 11 Nɛrekana nari ti a basɛ be’em tuuma ge ita sɛla n ani soŋa; a ɛɛra suma’asum ge dɔla ka. 12 Yehowa nini boi la tontɔɔdoma la zuo, ti a tuba kɛlesa ba zusega ge Yehowa zuŋe a nɛŋa mɛ giisɛ sɛba n tuni tuunbe’ero la.” 15 Ge na’asɛ ya Krista ti a dɛna ya Daana ya suya poan, ni kɔ’ɔn maasum ya ti ya tɔɣɛ bo nɛresɛka woo n boti a baŋɛ ya beere sa’am puti’irɛ la n de sɛla la ge tɔɣeri ya la suure mama la gilema zo’e zo’e. 18 Krista ki la buyina yelebe’ero zuo, tontɔɔdaana n ki bo sɛba n daɣɛ tontɔɔ, la wan eŋɛ se’em ti a ta’an tari ya paɛ Naayinɛ zɛ’an. Ba yuun ku en mɛ inganɛ poan ge a isige la vo’osum poan. 21 Ko’om musega n kɔ’ɔn makɛ la dena wa, n me n faari ya basera nananawa (daɣɛ ti la yeseri la inganɛ la dɛɣerɔ ge la dela nupu’ɔ ti to ŋmɛ̃’ɛra bɔ’ɔra Naayinɛ ti to tara putɛkeeŋa n ani soŋa), doose la Yezu Krista kum isigere la poan.