ZASEŊƆ 02

Baabule La Basɛ Ti To Tara La Beere Sa’am Puti’irɛ

Gɔnseko Ti Ba Printɛ

Nɛreba n boi tingɔŋɔ wa zuo tari la daaŋɔ n basɛ ti susa’aŋɔ, putɛyiila, hali la wuŋerɛ paara ba. Yele ana wa taaba tabelɛ paɛ hon? Daanse’ere ho bɛ̃’ɛri mɛ bii ho nɛra n ki n sɔi ti ho namesa. Ho ta’an soke homea yeti, ‘Vom wan malum ana soŋa?’ Baabule la tari sokere wa subuɣelegɔ lebesego mɛ.

1. Sore kani poan ti Baabule la basɛ ti to tara beere sa’am puti’irɛ?

Baabule la ka yeen pa’ala la sɛla n sɔi ti daaŋɔ pirɛ tingɔŋɔ wa zuo ge ku tari la yelesoma pa’ala tɔ ti, la kan yue daaŋɔ wa za’a wan tole. Baabule pu’ulumbiŋa la wan ta’an “basɛ ti la beere ta ana soŋa bɔɔra ya.” (Kaalɛ Yeremia 29:11, 12.) Pu’ulumbiŋa wa soŋɛ to mɛ ti to ta’an ŋmibera to yeledaaŋɔ poan zina wa ge me tara halesoma la pupeelum daarewoo.

2. Baabule la pa’alɛ ti beere sa’am wan ana la wani?

Baabule la pa’alɛ la se’em ma’a ti “kum kan le bɔna, susa’aŋɔ la kaasega la induuma kan le bɔna.” (Kaalɛ Liligere 21:4.) Yelese’a n basɛ ti vom ka tara vuurɛ zina beere wa n de wuu ŋmɛlema tuuma, bã’asi la kum kan bɔna bala wuusa. Baabule la pu’ulumbiŋe ti nɛresaaleba wan ta tara pupeelum daarewoo Paradiisi poan tingɔŋɔ wa zuo.

3. Ho wan eŋɛ la wani sakɛ ti Baabule pu’ulumbiŋa la wan sirum tum tuuma?

Nɛreba zo’e zo’e tari puti’irɛ gura la yelesoma ge ba ka tari sakerɛ ti la wan sirum tum tuuma. Sɛla ti Baabule la pu’ulumbiŋe la boi la de to’ore. To wan ta’an sakɛ Baabule la n yele sɛla la to san “viisa gulesegɔ la soŋa soŋa.” (Tooma 17:11) Ho san zamesa Baabule la, homea wan ti’isɛ baŋɛ nyaa ho sakɛ Baabule la n pa’alɛ beere sa’am yele se’em la bii ho da sakɛ.

VIISƐ PA’ASƐ

Viisɛ bisɛ yelese’a ti Baabule la pu’ulumbiŋe ti la wan tum se’em beere sa’am. Bisɛ Baabule beere sa’am puti’irɛ la n soŋeri nɛreba se’em zina beere wa.

Fɔɔra: dekɛ yelese’a n paarɛ nɛreba zina beere wa makɛ la bɔnsɛka ti Baabule la pu’ulumbiŋe ti la wan tum beere sa’am la. Fɔɔra wa mea nɔɔ n boi tiŋa nɔɔrɛ la.

4. Baabule la yeti to wan ta vɔna daarewoo ti sɛla woo ana kasi

Bisɛ Baabule pu’ulumbiŋa wa. Yele deni n ba’ɛ kɛ̃ hon suure? Bem zuo?

Kaalɛ gulesegɔ la n boi pu’ulumbiŋa la zɛ’an la ge geele sokere ana wa:

Hon ti’isɛ ti Baabule gulesegɔ wa basɛ ti hon tara beere sa’am puti’irɛ? Hon ti’isɛ ti la wan basɛ ti ho deodoma la ho zɔdoma tara beere sa’am puti’irɛ?

Ti’isɛ bisɛ ti ho boi la tinsɛka poan ti

NƐRA KAN LE . . .	NƐRA WOO WAN TA . . .
kuregɛ, tara induma bii a ki.—Isaiah 25:8.	nyɛ a nɛresɛba n ki la ti ba isige ba kum poan ti ba le vɔna tingɔŋɔ wa zuo.—Yon 5:28, 29.
bɛ̃’ɛra bii a iŋa see.—Isaiah 33:24; 35:5, 6.	tara imma’asum la paŋa.—Yob 33:25.
nyɛ ŋmɛlema tuuma.—Isaiah 32:16, 17.	tara dia zo’e zo’e, yɛasoma la tuunsoma.—Yooma 72:16; Isaiah 65:21, 22.
namesa zaberɛ zuo.—Yooma 46:9.	tara suma’asum.—Yooma 37:11.
tara putɛyiila bii a tiisa yele aŋa.—Isaiah 65:17.	vɔna daarewoo bɔnsoŋa poan.—Yooma 37:29.

Bia n bɛ̃ nyaa nyɛ imma’asum zɔ ta kɔkɛ a ma.

Buranya’aŋa n nyaa lebege bunbilipaalega zã’ara wheelbarrow n pirɛ la tiwɔla.

5. Baabule pu’ulumbiŋa la ta’an basɛ ti nɛra tee a vom

Nɛreba zo’e zo’e giila kɔ’ɔsɛ mɛ hali ti suure tara ba la yelese’a n paari ba la. Sɛba zaberɛ mɛ ti ba basɛ ti yɛla tee sɔ̃na bɛ’ɛna. Bisɛ Baabule la n pu’ulumbiŋe ti yɛla wan tee se’em la, n soŋeri nɛreba se’em zina beere wa. Ŋmɛ VIDIYO la ge nyaa sɔsɛ sokere ana wa:

VIDIYO: Mam Daa Boti N Zabɛ Mɛ La Nɛreba N Tuni Ŋmɛlema Tuuma (4:07)

Fɔɔra: ‘Mam Daa Boti N Zabɛ Mɛ La Nɛreba N Tuni Ŋmɛlema Tuuma’ vidiyo la yɛla ase’a. 1. Rafika n naɛ la a buuri gɔ’ɔsa gunguno eŋa n yuun de bia la. 2. Rafika puurɛ pee mɛ la eŋa n daa pɔsɛ keŋɛ Yehowa Sɛɛradoma laɣesegɔ ta nyɛ buuri tɔka tɔka n laɣum taaba se’em la

Vidiyo la poan la, bem ŋmɛlema tuuma n paɛ Rafika?
Ŋmɛlema tuuma la ti a yuun nyɛ la yuun ka tɔkɛ ge Baabule la soŋɛ en la wani?

Baabule beere sa’am puti’irɛ la wan soŋɛ tɔ ti to ta’an ŋmibe giilekɔ’ɔsegɔ la yeledaaŋɔ poan. Kaalɛ Magaha 17:22 la Arom 12:12 ge nyaa sɔsɛ sokere ana wa:

Hon ti’isɛ ti Baabule beere sa’am puti’irɛ la wan ta’an tee ho vom nananawa? Bem zuo?

NƐREBA BASƐBA YETI: “Baabule la n pu’ulumbiŋe ti beere sa’am wan tee se’em la, ba’ɛ ana la soŋa ti la kan ta’an tum.”

Beni n sɔi ti hon ti’isɛ ti la dela ninmɔ’ɔrɛ ti ho viisɛ yɛla la baŋɛ?

YELEKPINE

Baabule la n pu’ulumbiŋe ti pupeelum wan ta bɔna beere sa’am la, basɛ ti to tara la beere sa’am puti’irɛ ge me ŋmibera yeledaaŋɔ poan.

Tiisegɔ Sokere

Beni n sɔi ti beere sa’am puti’irɛ la yele pakɛ nɛreba?
Baabule la yeti beere sa’am wan ta ana la wani?
Ho san tara beere sa’am puti’irɛ la, la wan soŋɛ ho la wani nananawa?

To zamesɛ ba’asɛ la:

Mam Boti N Eŋɛ Sɛla

Ho san bɔta ti ho mina Baabule pu’ulumbiŋa la soŋa, kaalɛ gulesegɔ la n boi zaseŋɔ wa poan la.

Ase’a:

Your other goal

Ɛ BISƐ

Zamesɛ baŋɛ beere sa’am puti’irɛ la n wan ta’an soŋɛ ho se’em.

“Beere Saʼam Putiʼirɛ—Ho Wan Nyɛ De La Bɛ?” (Awake!, April 22, 2004)

Zamesɛ baŋɛ beere sa’am puti’irɛ la n wan soŋɛ sɛba n tari bãkɛɣesi se’em.

“Bãkɛka—Baabule La Wan Ta’an Soŋɛ Hɔ?” (La boi jw.org)

Ho san bisa vidiyo yuunɛ wa, bisɛ nyɛ homea la ho deodoma ti ya tari la pupeelum Paradiisi sɛka ti Baabule la pu’ulumbiŋe la poan.

Bisɛ Nyɛ Homea Paradiisi La Poan (3:37)

Kaalɛ bisɛ buraa ayima n tiregeri ɛɛra teere nyaa ta zamesɛ baŋɛ Baabule beere sa’am puti’irɛ la ti la soŋɛ en se’em.

“Mam Ka Le Ti’isa Ti La Nari Ti N Tee Yɛla Tingɔŋɔ Wa Poan” (The Watchtower, July 1, 2013)