TO BƆNA WUU KRISTAKƆMA

Soŋɛ Sɛba N Ka Pu’useri Naayinɛ La Ti Ba Zamesɛ Baŋɛ Ba Naaŋɔdaana La

Hon tabelɛ ita nyɔ̃ nyɔ̃ ti ho mɔɔlɛ bo nɛra n ka pu’useri Naayinɛ, se’ere n sɔi la ho ti’isɛ ti a puɣum kan kelese ho? La san dɛna bala, tɛ̃ra ti nɛreba zo’e zo’e n yuun ka pu’useri Naayinɛ n de wuu sɛba n yuun puɣum ka sakɛ ti Naayinɛ boi la nyaa dela Yehowa Sɛɛradoma. Saŋa zo’e zo’e la, nɛrebana ni yeen ɛɛra la nɛra soŋɛ ba ti ba viisɛ yelese’a n pa’alɛ ti Naayinɛ boi.—Arom 1:20; 10:14.

BISƐ VIDIYO LA ZUO N DE TƐRA TI—NƐRESƐBA N KA TARI SAKERƐ LA WAN TA’AN TARA SAKERƐ!—SƐBA N KA PU’USERI NAAYINƐ LA GE NYAA LEBESE SOKERE WA:

Tommaso yele la soŋɛ hon la wani ti ho ta’an tara putɛsonɛ mɔɔla bɔ’ɔra sɛba n ka pu’useri Naayinɛ?

Lebese

Hon wan eŋɛ de se’em

Nɛra san yeti a ka sakɛ ti Naayinɛ boi, ma’ɛ homea ge me tɔɣera la gilema. Eŋɛ pa’alɛ ti ho boti la ho baŋɛ eŋa n ti’isɛ se’em yele la poan. (2Ti 2:24) Sɔsɛ yelese’a n wan kɛ̃ a suure. A wan bɔta ti ya sɔsɛ yelese’a n basɛ ti nɛreba zo’e zo’e sakɛ ti Naaŋɔdaana boi mɛ? La san dɛna bala, dekɛ vidiyodoma, la gɔnseto n tɔɣeri naaŋɔ yele sɔsɛ la en. Ba dekɛ gɔnlɛmlɛm siyi la n de Was Life Created? la The Origin of Life—Five Questions Worth Asking la pa’asɛ to Pa’alegɔ Lɔɣɔrɔ Daka la poan mɛ, lan wan eŋɛ se’em ti to ta’an ni nyɛ a kalam.

Pɔsega la, ho paleŋa ta’an ɛ̃ɣera ti ho sɔsɛ Baabule yele bo nɛra n ka sakɛ ti Naayinɛ boi. Ho ta’an yele mabia n kãsegɛ ti a soŋɛ hɔ. Leyɛ’ɛsa, tɛ̃ra ti Yehowa me wan soŋɛ tɔ ti to ta’an tɔɣɛ ti la kɛ̃ putɛsonɛdoma la suure, hali ba san puɣum nan ka sakɛ ti Naayinɛ boi.—Tm 13:48.