OCTOBER 20-26
PA’ALA 9-10
Yuunɛ 30 La Zusega | Pi’ileŋo (Mita 1)
1. Tara Putɛsonɛ Ho Yeledaaŋɔ La Poan
(Mita 10)
Yeledaaŋɔ san paɛ tɔ, la ka pa’alɛ ti Yehowa zaɣesɛ to mɛ (Pa 9:11; w13 8/15 14 ¶20-21)
Ton boi Sitaana tingɔnbe’o wa poan la, to mi ti yeledaaŋɔ ta’an paɛ tɔ (Pa 10:7; w19.09 5 ¶10)
La nari ti to puurɛ pee la bo’olum se’a ti Yehowa bɔ’ɔra to la, hali yeledaaŋɔ san paara tɔ (Pa 9:7, 10; w11 10/15 8 ¶1-2)
2. Vo’osum Poan Yɛla
(Mita 10)
Pa 10:12-14—Kaalegɔ zɛ’ɛsi wa ka’am tɔ ti to bisɛ tomea soŋa yelebibisi poan la wani? (it “Yelebibisi, Yusa’aŋɔ” ¶4, 8)
Bem vo’osum poan yɛla n boi bakwai wa Baabule kaalegɔ la poan ti hon wan bɔta ti ho tɔɣɛ de yele?
3. Baabule Kaalegɔ
(Mita 4) Pa 10:1-20 (th zaseŋɔ 11)
4. Pɔsɛ Sɔsega
(Mita 3) MƆƆLA NƐREKUUŊƆ POAN. Pɔsɛ sɔsega la nɛra suure n sa’am. (lmd zaseŋɔ 3 yelezure 4)
5. Pɔsɛ Sɔsega
(Mita 4) MƆƆLA ZƐSƐKA WOO TI HO BƆNA. Tɔɣɛ yeleyinɛ n boi yelese’a n pa’asɛ 1 Nɔŋɛ Nɛreba gɔnlɛmlɛm la poan zuo n de “Ton Nɔŋɛ Ti To Pa’ala Yelese’a” bo nɛra n fabeli ligeri yɛla n kpe’em se’em. (lmd zaseŋɔ 4 yelezure 4)
6. Ɛɛra Podɔleba
(Mita 5) lff zaseŋɔ 17 yelekpine, tiisegɔ sokere, la mam boti n eŋɛ sɛla. (lmd zaseŋɔ 12 yelezure 3)
Yuunɛ 47
7. Yehowa Wan Soŋɛ Hɔ Yeletoo San Paɛ Hɔ
(Mita 15) Sɔsega.
Daarewoo, yeledaaŋɔ paari to mɛ. Ge yeledaaŋɔ la ase’a ni kɔ’ɔn di’e to mɛ. La ni gaŋɛ la nu’usi ti to ni puɣum ka mina ton wan eŋɛ se’em ta’an ŋmibe de poan. To wan eŋɛ la wani ta’an ze’a kankaŋi yeletooro san paara tɔ?
La ka pakɛ la yeledaaŋɔ se’a woo n paari to la, saŋa woo Yehowa n ni dɛna ‘to ɛnberɛ te to yaga.’ (Isa 33:6) Yehowa boti la to tara putɛsonɛ ti a wan soŋɛ tɔ. (Mag 11:2) Yeletooro san paɛ tɔ, la nari ti to ma’ɛ tomea ta’an kɔ’ɛ to puti’irɛ soŋa ge bisa tomea la to deodoma. La me daɣɛ be’em ho san si’ina yuura. (Pa 4:6)
Yehowa kɔ’ɔn dɔla la to mabiisi la poan kpɛmesa to giila. Bala la, la nari ti to ni basɛ ti ba soŋɛ tɔ. Tɛ̃ra ti ho mabiisi la nɔŋɛ ho mɛ paa. Ba me san soŋɛ hɔ, ba puurɛ ni pee mɛ.
Kaalɛ 2 Korint 4:7-9 ge nyaa soke kɛleseriba la yeti:
Beni n sɔi ti la yele pakɛ ti to tiregɛ kena zamesegɔ, kaala Baabule la ge mɔɔla na’am la yelesoma, hali la san puɣum kpe’em ti to eŋɛ bala?
Ŋmɛ VIDIYO la zuo n de Yehowa Lɛm Mɛ La Sɛba Suure N Sa’am ge nyaa soke kɛleseriba la yeti:
Yehowa yuun soŋɛ Mabia Septer la a pɔɣa la wani?
Mabiisi la me yuun soŋɛ ba la wani?
Hon zamesɛ la bem ba yele la poan?
8. Tansugere Baabule Zamesegɔ
(Mita 30) lfb zaseŋɔ 28, bɔberɛ 6 pɔsega yetɔɣum, la zaseŋɔ 29