ZASEŊƆ 11

Tɔɣera La Pupeelum

Arom 12:11

YELEKPINE: Tɔɣera la pupeelum ti la ta’an kpemese ho kɛleseriba la giila.

Yese ho suure poan tɔɣɛ. Hon maaseni ti ho bo ho sɔsega la, ti’isɛ ho sɔsega la n de nimɔ’ɔrɛ yele se’em. Bɔkɛ ho sɔsega la soŋa ta’an tɔɣɛ ho suuren.
Ti’isa ho kɛleseriba la yele. Ti’isɛ taɣesɛ sɛla ti ho wan kaalɛ bii pa’alɛ la wan soŋɛ ho kɛleseriba la se’em. Ti’isɛ bisɛ sore se’a ti ho wan sɔsɛ ho sɔsega la ti la kɛ̃ ho kɛleseriba la sunya.
Basɛ ti ho sɔsega la kɛ̃’ɛra giila. Tɔɣɛ la pupeelum. Lɔbera ho nu’usi ge ita ho nɛŋa sosɛka poan n makɛ ti ho kɛleseriba la ta’an bɔkɛ.

Bisɛ homea soŋa ge da basɛ ti iti seko malum hɔ ge bala wan basɛ ti ho kɛleseriba la puti’irɛ kan bɔna sɔsega la poan. Ho san lɔbera nu’usi basɛ ti la makɛ ma’a. Ho san tɔɣera yelekpina bii ho kpemeseri la ho kɛleseriba la giila, ni tɔɣera la pupeelum. Da tara saarɛ ki’isa ho yetɔɣum la poan, bala wan basɛ ti ho kɛleseriba la yuŋe ho.