Malum Ti’isɛ Taɣesɛ Yelekpina La

Hon tabelɛ zamesɛ sɛla ti la kpe’em bo ho ti ho tɛ̃ra? Saŋa ase’a, la ni ana to za’a la bala. Ho wan ta’an eŋɛ la bem? Malum ti’isɛ taɣesɛ yelekpina la.

Ho san zamesa, ni su’use ge ti’isɛ taɣesɛ yelekpina la ti ho zamesa la. Tuntuna Paul yuun kpemese mabiisi la giila ti ba ita bala, ba san zamesa a gɔnɔ la. A yuun yeti: “Sɛla woo te to tɔgɔra la dela dena wa.” (Heb. 8:1) Eŋa n yuun yele sɛla wa yuun soŋɛ mabiisi la mɛ ti ba bɔkɛ a yetɔɣum la, la ban makɛ taaba se’em.

Ho ta’an gee wuu mita pia ho zamesegɔ la poan ge dekɛ ti’isɛ taɣesɛ yelekpina se’a ti ho zamesɛ la. Ho san ka tɛ̃ra yelekpina la soŋa, le kaalɛ zupika woo bii ho kaalɛ kaalegɔ zɛ’an woo yia yelesum la, ti la soŋɛ hɔ ti ho ta’an tɛ̃ra. Ho san zamesɛ yelesaanɛ, tiregɛ tɔɣɛ pa’alɛ hon bɔkɛ de se’em. Ho san le ti’isɛ taɣesɛ sɛla ti ho zamesɛ la, la kan kpe’em bo ho ti ho tɛ̃ra. Ho me wan le bɔkɛ hon wan eŋɛ se’em ta’an dekɛ de tum tuuma ho vom poan.