Ti’isa Nyɛta Lan Yuun Ani Se’em Baabule Saŋa La

Baabule la tari la diimi yɛla zo’e zo’e n tabelɛ eŋɛ ti la dɛna yelemɛŋɛrɛ. To san ti’isa nyɛta yɛla wa to puti’iren, la wan soŋɛ tɔ ti to ta’an bɔkɛ ton kaali sɛla la ge me nyɛ nyuurɔ. Geele bisɛ yele ana wa n wan soŋɛ ho se’em ti ho ta’an bisa nyɛta lan yuun ani se’em Baabule saŋa la.

• Kaala ti la yɛsera. Ho san kaala ti la yɛsera la wan soŋɛ hɔ ti ho ti’isa nyɛta yele la ho puti’iren. Hon la ho deodoma san laɣum kaala Baabule la, ya ta’an loe bɔberɛ bo nɛra woo ti a kaalɛ, bala wan soŋɛ ya ti ya ta’an bɔkɛ yele la soŋa.

• Ti’isa nyɛta sɛla n iti. Ho san kaala tiregɛ ti’isɛ bisɛ lan ani nɛreba la se’em. Makerɛ, soke homea yeti: ‘Beni n sɔi ti nɛra la tɔɣɛ bii eŋɛ bala? La san deni la mam n boi bɔnkaŋa poan, mam wan ti’isɛ ni la bem bii la wan ana mam la wani?’

• Dɔreŋɛ yɛla la. Ho san dɔreŋɛ Baabule yɛla, la wan soŋɛ hɔ ti ho bisa nyɛta yɛla la soŋa ge tɛ̃ra hon kaali sɛla la hali ho san puɣum ka mina dɔreŋɔ.