ZASEŊƆ 11

Hon Wan Ta’an Eŋɛ Se’em Nyɛ Nyuurɔ Zo’e Zo’e Baabule La Poan

Gɔnseko Ti Ba Printɛ

Hon tabelɛ ti’isɛ ti ho tum tuunkãtɛ ge ti ho paleŋa ɛ̃ɣera? Daanse’ere hon daa eŋɛ se’em ti la ka wuŋɛ hɔ dela, ho daa yelese tuunɛ la mɛ fii fii ta’an tum dɛ. La dela bala mea ho san bɔta ti ho kaalɛ Baabule la. Ho ta’an soke homea ti, ‘N wan pɔsɛ la bɛ kaala?’ Zaseŋɔ wa poan, to wan geele yelese’a n wan soŋɛ hɔ ti la dɛna naana bo ho ti ho ta’an kaala ge zamesa Baabule la, la pupeelum.

1. Beni n sɔi ti la nara ti to kaala Baabule la daarewoo?

Nɛresɛka n kaali Baabule la bii “Yehowa lɔɔ la” daarewoo wan tara pupeelum ge ti a sɛla woo ita soŋa. (Kaalɛ Yooma 1:1-3.) Hon wan pɔsɛ de se’em dela, daarewoo ni tiregɛ dekɛ mita fii wa kaalɛ. Ho san malum Baabule kaalegɔ, ho wan tara pupeelum la Naayinɛ Yetɔɣum la.

2. Bem n wan soŋɛ hɔ ti ho nyɛ nyuurɔ Baabule kaalegɔ poan?

To san bɔta ti to nyɛ nyuurɔ zo’e zo’e Baabule kaalegɔ poan, la dela to ni su’use ge ti’isɛ sɛla ti to kaala la yele. To nari ti to kaala ku ge “ti’isa taɣesa.” (Yosua 1:8, tiŋanɔɔrɛ yelesum) Ho san kaala, ni soke homea yele ana wa: ‘Kaalegɔ wa pa’alɛ mam ti Yehowa Naayinɛ ani la wani? N wan eŋɛ la wani dekɛ kaalegɔ kuna wa tum tuuma n vom poan? N wan eŋɛ la wani dekɛ kaalegɔ zɛ’ɛsi wa soŋɛ nɛreba?’

3. Ho wan eŋɛ la wani nyɛta nɛŋa kaala Baabule la?

La ni kpe’em bo ho mɛ ti ho nyɛta nɛŋa kaala Baabule la? La kpe’em bo to zo’e zo’e mɛ. Tiregɛ “tara ho saŋa la tuna soŋa soŋa.” (Epesus 5:16) Ho san wan ta’an eŋɛ wana, la dela dabeserɛ woo ho nyɛta nɛŋa kaala Baabule la. Nɛreba basɛba ni nyɛ nɛŋa la bulika kaalɛ Baabule la. Basɛba me ni nyɛ nɛŋa la wuntɛɛŋa, daanse’ere ba vo’osego saŋa. Basɛba me ni kaalɛ Baabule la yu’uŋɔ ge nyaa gã’arɛ. Sankani n ani soŋa bo hon me?

VIISƐ PA’ASƐ

Zamesɛ baŋɛ hon wan eŋɛ se’em ti ho Baabule kaalegɔ tara pupeelum pa’asɛ. Bisɛ hon wan eŋɛ se’em maasum soŋa ta’an nyɛ nyuurɔ zo’e zo’e ho Baabule zamesegɔ poan.

Fɔɔra: Bia n daa ka nɔŋɛ dia kuseko ge nyaa ta nɔŋɛ ku pooren. 1. Bia la tari dia la dɛ’ɛna mɛ. 2. Pooren ti a nyaa dita. 3. Bia la n nyaa zo’ori la ti a nɔŋɛ dia la. — Wuu to ta’an zamesɛ dita dia to’ore to’ore se’em la, bala mea nɔɔ ti to wan ta’an kaala Baabule la, la pupeelum

4. Tara pupeelum Baabule kaalegɔ poan

La ta’an kan dɛna naana ti to pɔsɛ kaala Baabule la. Ge to ta’an “kɔ’ɔn nɔŋɛ” Baabule kaalegɔ wuu nɛra n tari konkoma’asum ti a di disãaŋa se’em la. Kaalɛ 1 Peter 2:2 ge nyaa sɔsɛ sokere wa:

Hon ti’isɛ ti ho san kaala Baabule la daarewoo, la wan dɛna sɛla n de pupeelum ge ti ho kɔ’ɔn bɔta ti ho kaala?

Ŋmɛ VIDIYO la ge bisɛ nɛreba basɛba n nyɛ pupeelum se’em ba pɔsɛ kaala Baabule la. Nyaa sɔsɛ sokere ana wa:

VIDIYO: Bunbilipaalesi N Nɔŋɛ Naayinɛ Yetɔɣum La Se’em (5:33)

Vidiyo la poan, yeledaaŋɔ ani ti bunbilipaalesi la nyaŋɛ ŋmibe a poan?
Bem n soŋɛ ba ti ba kɔ’ɔn bɔta ti ba kaala Baabule la?
Ba eŋɛ la wani ta’an basɛ ti ba Baabule kaalegɔ la tara pupeelum?

Yelese’a n wan soŋɛ hɔ ti ho ta’an pɔsɛ:

Loe Baabule sɛka yetɔɣum bɔkerɛ n ka tɔi ti ho bɔta. New World Translation la san bɔna ho yetɔɣum poan, kaalɛ eŋa bisɛ.
Pɔsɛ kaala zɛse’esi ti ho ba’ɛ nɔŋɛ. Ho san ɛɛra soŋerɛ, bisɛ “Baabule Kaalegɔ Maaseŋɔ” la.
Tɛra zɛse’esi woo ti ho kaalɛ. Tara “Mam N Kaalɛ Paɛ Zɛ’an” daka la n boi gɔŋɔ wa poan la tuna tuuma.
Tara JW Library^® app la tuna tuuma. Ho san tara fon bii lɔkɔ n ani bala, ho ta’an dekɛ yu’ɛ de kaalɛ ge kelese Baabule la.
Dekɛ appendixes la n boi New World Translation la poan la tuna tuuma. La tari la maps, daɣesi la yelebɛa vuurɛ zɛ’an n wan ta’an basɛ ti ho Baabule kaalegɔ tara pupeelum.

5. Maasum pɔsɛ ho Baabule zamesegɔ

Kaalɛ Yooma 119:34 ge nyaa sɔsɛ sokere wa:

Beni n sɔi ti la ana soŋa ti ho ni zusɛ ge nyaa kaalɛ Baabule la bii ho san maasena ti ho zamesɛ Baabule la?

Ho wan eŋɛ la wani ta’an nyɛ nyuurɔ ho zamesegɔ woo poan? Ho san maasena zaseŋɔ woo gɔŋɔ wa poan, doose sarɔtuna wa:

A. Kaalɛ kaalegɔ zɛ’ɛsi la n boi zaseŋɔ la poan la.
B. Kaalɛ Baabule gulesegɔ la n boi bim la ge nyaa bisɛ la pa’ali zaseŋɔ la se’em.
D. Daalɛ yelebɛa se’a n tari lebesego bɔ’ɔra sokere woo; wana wa n wan soŋɛ hɔ ti hon la ho pa’alegɔdaana la ta’an zamesɛ soŋa.

Fɔɔra: Pɔka n boi bim maasena ti a eŋɛ Baabule zamesegɔ. A. A kaali la zaseŋɔ la yia gɔnlaka la. B. A kaali la gulesegɔ la Baabule la poan. C. A daalɛ la yelebɛa la yelesum ase’a zaseŋɔ la poan.

Hon mi?

Yehowa Sɛɛradoma dekɛ Baabule leregere to’ore to’ore tum tuuma mɛ. Ge to kɔ’ɔn nɔŋɛ sɛka dela New World Translation of the Holy Scriptures se’ere n sɔi la, ba gulesɛ de se’em la dela tontɔɔ, ti ku bɔkerɛ ka tɔna ge me tara Naayinɛ yu’urɛ.—Bisɛ “Yehowa Sɛɛradoma Tari La Bamea Baabule?” n boi jw.org

NƐREBA BASƐBA YETI: “Baabule zamesegɔ ba’ɛ kpe’em mɛ. Mam ka tari nɛŋa bii paŋa n wan zamesɛ kɔ.”

Hon puti’irɛ dela deni?

YELEKPINE

Ho san ɛɛra ti ho nyɛ nyuurɔ zo’e zo’e Baabule la poan, nyɛta nɛŋa kaala ku, ni zusɛ Yehowa ta’an bɔkɛ sɛla ti ho kaala la ge ni maasum soŋa ho Baabule zamesegɔ woo poan.