Naayinɛ Dela Zɔ Soŋɔ N Gane Za’a

Ho san dɛna Naayinɛ zɔ, la wan dɛna yelesonɛ bo ho. Naayinɛ wan pa’alɛ ho wan tara pupeelum se’em ge bɔna fai, a wan faaɛ ho yeletooro la wi’im tuuma poan basɛ. A wan kelesɛ ho zusega. A wan soŋɛ ho ti ho nyɛ suma’asum ge tara putɛsonɛ. (Yooma 71:5; 73:28) Naayinɛ wan ze’ele ho pooren daaŋɔ san paara ho. (Yooma 18:18) Naayinɛ wan bo ho vom n kan malum ba’asɛ.—Arom 6:23.

Ho san vuruge homɛa lɛm Naayinɛ, ho mɛ wan lɛm Naayinɛ zɔdoma. Nɛrebana mɛ wan dɛna ho zɔdoma. Yelemɛŋɛrɛ, ba wan ana wuu ho sɔɔrɔ la. Ba puurɛ wan pee ti ba pa’alɛ ho Naayinɛ n de mina, ba wan suŋɛ ho ge bo ho gilkpeŋere.

To ka zum la Naayinɛ. Hon boti ho yɔɣɛ Naayinɛ zɔtɔ la, la dela ho bɔkɛ ninmɔ’ɔrɛ yele dɛna. Naayinɛ zɔtɔ yɔka la ka pa’alɛ ti ya zum mɛ. A dela mina dabesa n ka tare kalɛ ge mɛ tara yɛm la paŋa n ka tare makerɛ. Eŋa n de to guruga Daana. To san bɔta to dɛna a zɔ, la nari to kɛlesa en ge ita sɛla ti a pa’ala to la. Wana wa dela tomam mɛa som zuo.—Isaiah 48:18.