ZASEŊƆ 5

Kokemɔ La—Bani N Yuun Kelese? Bani N Ka Kelese?

Noah saŋa la nɛreba yuun tum la be’em. Pin’ileŋɔ 6:5

Malesi be’esi la yuun lebege la nɛresaaleba ge di pɔɣeba

Adam la Hawa yuun dɔɣɛ kɔma mɛ, ti nɛreba nyaa wi’ɛ teŋgɔŋɔ wa. Pooren la, malakadoma basɛba naɛ la Sitaana eŋɛ kpenkpase.

Ba yuun sige la teŋa wa zuo na lebege nɛresaaleba ge di pɔɣeba. Pɔɣesi la yuun dɔɣɛ la nɛrewaɣela n tare paŋa ge dɛna putɔpa.

Pɔka n zãle bilia ge ti budibila me ŋme’era pɔka la; Nɛrewaɣela, malesi be’esi la kɔma, toonfɛn’ɛha

Teŋgɔŋɔ la yuun kɔ’ɔn pirɛ mɛ la nɛrebɛ’ɛsi. Baabule la yeti: “asaala toonfɛn’ɛha la n ane se’em teŋparɛ wa zuo, ge le nyɛ asaala suunre tɛn’ɛhegɔ zan’an n de be’em ma’an saŋa woo se’em.”

Noah yuun kelese la Naayinɛ ge kpa daka deo la. Pin’ileŋɔ 6:13, 14, 18, 19, 22

Noah yuun dela nɛresoŋa. Yehowa yuun yele Noah yeti, a wan dekɛ kokemɔ sa’am tuunfɛ’ɛsadoma.

Noah la a deodoma yuun kpa ɔɔrɔŋɔkatɛ daka

Naayinɛ yuun le yele Noah ti a kpa ɔɔrɔŋɔkatɛ n de daka deo ge dekɛ a yidoma la dusi woo kɛ̃ bim.

Noah yuun ka’am nɛreba la ti Kokemɔ n kene na ge ba yuun la’ari en mɛ

Noah yuun ka’am nɛreba la ti Kokemɔ n keni na ge ba yuun ka kelese en. Ba yuun la’ari en mɛ ti basɛba me dina en.

Noah la a deodoma yuun dekɛ dusi la kɛ ɔɔrɔŋɔkatɛ daka la poan

Noah n yuun ba’asɛ daka deo la, a yuun dekɛ dusi la kɛ̃’ɛsɛ bim.