To Zamesɛ La Bem Yese Kokemɔ La?

Naayinɛ yuun faɛ Noah la a deodoma ge sa’am nɛrebɛ’ɛsi la. Pin’ileŋɔ 7:11, 12, 23

Saa n yuun ni daarewoo ka malum gɔ’ɔra dabesa 40, uke libe teŋgɔŋɔ la za’a. Nɛrebɛ’ɛsi la za’a yuun ki mɛ.

Malakadoma wa n yuun isige kpenkpasi la yuun basɛ ba innaanɛ la mɛ ge lebege kolekpabɛ’ɛsi.

Sɛba n yuun boi daka deo la poan n piɛ. La bo bim ti Noah la a yidoma yuun ki mɛ, ge Naayinɛ wan isige ba ti ba vɔna daarewoo la vom somɔ.

Naayinɛ wan le faɛ nɛresondoma la ge sa’am nɛrebɛ’ɛsi la. Matu 24:37-39

Sitaana la kolekpabɛ’ɛsi la kelum pã’asa nɛreba mɛ.

Wuu Noah saŋa la, nɛreba zo’e zo’e zina beere wa zaɣesɛ Yehowa pa’alegɔ la mɛ. La kan yue Yehowa wan sa’am nɛrebɛ’ɛsi woo.​—2 Peter 2:5, 6.

Nɛreba basɛba ani wuu Noah la. Ba keleseri Naayinɛ mɛ ge ita sɛla ti a bɔta; ba dela Yehowa Sɛɛradoma.