ZASEŊƆ 8

Yezu Kum La Vuurɛ Dela Bem Bo Ho?

Yezu yuun ki mɛ bo to ti to nyɛ nyɔvore. Yon 3:16

Pɔɣesi keŋɛ ta bisɛ Yezu yɔɔ ti ku dela voore

Yezu n ki ti ba laa en daba atã poan ti pɔɣesi keŋɛ ta bisɛ a yɔɔ ti ku dela voore. Yehowa n yuun isige en kum poan.

Yezu yuun niɛ a mea pa’alɛ a tuntuneba ge ti pooren a nyaa zom saazuo

Pooren Yezu yuun niɛ a mea pa’alɛ a tuntuneba.

Yelemɛŋɛrɛ, Yehowa yuun isige en ti a nyaa dɛna la vo’osum nɛra n tara paŋa, n ka malum le ki. Yezu podɔleba la yuun nyɛ en ti a zɔna saazuo.

Naayinɛ n yuun isige Yezu ge bobe en a Na’am la Naba. Daniel 7:13, 14

Yezu dela Naba a Na’am la poan saazuo sa ge bisera nɛraba n boi paradiisi teŋa

Yezu yuun ki mɛ ti a faɛ nɛresaaleba basɛ. (Matu 20:28) Bala zuo, Naayinɛ wan doose la a lua wa poan basɛ ti to nyɛ daarewoo vom.

Yehowa loe la Yezu ti a dɛna Naba bisa teŋgɔŋɔ wa. Eŋa la nɛreba 144,000 n de yelemɛŋɛrɛdoma n wan nyɛ kum isigere ti ba ta bɔna saazuo. Yezu la nɛreba 144,000 wa, n wan ta dɛna saazuo tontɔɔ gɔmɛt—Naayinɛ Na’am la.—Liligere 14:1-3.

Naayinɛ Na’am wan basɛ ti teŋgɔŋɔ wa lebege paradiisi. Zaba, be’em, nɔŋɔ la kom kan le bɔna. Nɛreba wan sirum tara pupeelum.—Yooma 145:16.