Sɛba N Ki La Wan Sirum Le Vo’e?

BAABULE LA N YELE SE’EM

‘Nɛra woo wan nyɛ . . . kum isigere.’—Tooma 24:15, Yenɛ Gɔŋɔ—Farefare.

BALA N WAN BASƐ TI HO VOM ANA SE’EM

Ho wan nyɛ subuɣelegɔ ho suɔ san ki.—2 Korint 1:3, 4.

Ho kan tara dabeem la kum.—Hebru 2:15.

Ho wan sirum tara beere sa’am puti’irɛ ti ho wan le naɛ la ho suurɔ n ki la.—Yon 5:28, 29.

TO WAN SIRUM SAKƐ BAABULE LA N YETI SƐLA LA?

Ɛɛ, yeen bisɛ yɛla atã wa ma’a:

• Naayinɛ n naam vom. Baabule la yeti Yehowa Naayinɛ n de “vom bulega.” (Yooma 36:9; Tooma 17:24, 25) Mina n bo bunvɔa woo vom la wan ta’an le bo sɛba n ki la vom.

• Naayinɛ tabelɛ isige nɛreba mɛ kum poan daami sa. Baabule la tɔɣɛ la nɛreba banii yele—bunbibisi, bunkureba, buraasi la pɔɣesi—n yuun nyɛ kum isigere lebena vɔna tiŋa wa zuo. Basɛba yuun ka ki yue ge ayima ba yuun laɛ en mɛ dabesa anaasi!—Yon 11:39-44.

• Naayinɛ kɔ’ɔn ana la lɛɛ ti a le eŋɛ. Yehowa ka boti kum yele; kum dela a dima. (1 Korint 15:26) A wan “ba’ahom” nyaŋɛ a dima la doose kum isigere poan. A kɔ’ɔn tɛra sɛba n ki la mɛ ge bɔta ba le nyɛ nyɔvore.—Yob 14:14, 15.