Naayinɛ Na’am la dela bem?

BAABULE LA N YELE SE’EM

“Saazuo [Naayinɛ] wa wan sɛ sɔ’ɔlom te bo bɔna ka tara ba’ahegɔ.”—Daniel 2:44, Yenɛ Gɔŋɔ​—Farefare.

“Ba bo to la bodibila, ge te [gɔmɛt] paŋa bɔna ka zuo.”​—Isaiah 9:6.

BALA N WAN BASƐ TI HO VOM ANA SE’EM

• Gɔmɛt sɛka n wan ta’an basɛ ti ho zi’irego ana soŋa.​—Isaiah 48:17, 18.

• Tinpaalega la poan, to wan tara imma’asum la pupeelum.—Liligere 21:3, 4.

TO WAN SIRUM SAKƐ BAABULE LA N YELE SƐLA LA?

Ɛɛ, yeen bisɛ yɛla ayi wa ma’a:

• Yezu yuun pa’alɛ Naayinɛ Na’am la n wan eŋɛ sɛla. Yezu yuun yele a podɔleba la ti ba zusa ti Naayinɛ Na’am la wa’an tingɔŋɔ wa zuo na tum a puti’irɛ n boti sɛla. (Matu 6:9,10) Yezu yuun pa’alɛ ba wan nyɛ zusega la lebesego se’em.

  Yezu n yuun boi tingɔŋɔ wa zuo la, a yuun diise nɛreba, tibɛ bã’adoma ge isige sɛba n ki la! (Matu 15:29-38; Yon 11:38-44) Yezu n de Naayinɛ Na’am Bisegadaana la, yuun pa’alɛ sɛla ti Na’am wa wan eŋɛ bo ku nɛreba.​—Liligere 11:15.

• Tingɔŋɔ wa yeledaaŋɔ la niɛ pa’alɛ ti la kan yue Naayinɛ Na’am la wan wa’ana. Yezu yuun yeti Na’am la san ta pɔ̃ra yeletooro n de wuu zaba, kom la tinmiiŋo wan bɔna.​—Matu 24:3, 7.

  To nyɛti yele ana mɛ zina beere wa. Wana wa basɛ ti to tara sakerɛ ti la kan yue Naayinɛ Na’am la wan yese yeledaaŋɔ woo basɛ.