ZASEŊƆ 15

Pa’alɛ Ti Ho Tari Sakerɛ

1 Tesalonika 1:5

YELEKPINE: Pa’alɛ ti ho sirum sakɛ yelemɛŋɛrɛ la mɛ ge ti yele me pakɛ.

Maasum soŋa soŋa. Zamesɛ bɔkɛ yɛla la vuurɛ ge baŋɛ ti Baabule la n pa’ali sɛla la dela yelemɛŋɛrɛ. Tɔɣɛ yelezura la wana naana ti la da wɔɣɛ. Pa’alɛ ho kɛleseriba la yele n wan soŋɛ ba se’em. Zusɛ Naayinɛ ti a bo ho zilam vo’osum.

Bo ho yetɔɣum la ho ma’a ta’an maasum soŋa ti la soŋɛ hɔ ti ho tɛra ho yetɔɣum la ge mina pa’alegɔ.
Loe yelebɛa n pa’alɛ ti ho tari sakerɛ. Da kɔ’ɔn kaala sɛla ti ba gulesɛ eŋɛ gɔŋɔ la poan nima nima ge tuɣum dekɛ homea yelebɛa tɔɣɛ. Basɛ ti ba baŋɛ ti ho sirum mi hon yeti sɛla la.
Tara giilkpeŋere ho yetɔɣum poan. Tɔɣera ti la yɛsa. La san nara, ni bisa ho kɛleseriba la nɛsi.

Ho ta’an tɔɣera la sukpe’ene ge bala ka pa’alɛ ti ho tɔɣera pɔ̃si pɔ̃si, pa’ala hon mi sɛla, bii ho pɛregera. Ho san puɣum tɔɣera la giilkpeŋere yele, tɔɣera nɔŋerɛ sore poan.