To Kumesɛ Tomea Na’am Tuuma La Poan—Dekɛ Yelesoma N Ze’ele Naayinɛ Ze’an Na! Gɔnlɛmlɛm La Eŋɛ Baabule Zamesegɔ Yire Woo
La Yele N Pakɛ Se’em: To san wan nyaŋɛ pa’alɛ nɛreba soŋa, dela to mina sɛla n boi Naayinɛ Yetɔɣum la poan. (Matu 28:19, 20) Dekɛ gɔnseto ti to tara la tum tuuma soŋa, ta’an pa’alɛ yelemɛŋɛrɛ la ti nɛreba bɔkɛ. Yelesoma N Ze’ele Naayinɛ Ze’an Na! gɔnlɛmlɛm la wan soŋɛ tɔ ti to ta’an pa’alɛ nɛreba yelemɛŋɛrɛ la. Yire woo poan, to wan ta’an dekɛ gɔŋɔ wa eŋɛ Baabule zamesegɔ la nɛra.
Dekɛ Tum Tuuma Ŋmarega Wa Poan:
Kpeŋe homea ee nɛra zamesɛ en Baabule la. Leyɛ’ɛsa, zusɛ Yehowa ti a basɛ ti ho nyɛ nɛra ge me ta’an pa’ala yelemɛŋɛrɛ la soŋa soŋa.—Filipi 2:13.
Ho san ita deodoma pu’usegɔ bii homea zamesegɔ, nyɔkɛ homea zamesɛ yele ana soŋa ti la bɔna ho suuren. Bala wan basɛ ti ho tɔɣera sɛla n boi ho suuren ge me ta’an eŋɛ Baabule zamesegɔ ho san seke nɛra na’am mɔɔlegɔ poan.