**To Kumesɛ Tomea Na’am Tuuma La Poan—Ta’an Dekɛ Bible Teach Gɔŋɔ La Bo**

La Yele N Pakɛ Se’em: Bible Teach gɔŋɔ la dela gɔŋɔ zure n boi to lɔɣɔrɔ pa’alegɔ daka la poan. Bala la, to san wan ta’an dekɛ ku zamesɛ la nɛra, la nari ti to te’ele dekɛ bo en. Bala la, la nari ti to za’a eŋɛ ania mina to wan tara Bible Teach gɔŋɔ la bɔ’ɔra na’am mɔɔlegɔ poan se’em. (Maga. 22:29) To wan ta’an doose sarɔtɔ zo’e zo’e poan dekɛ gɔŋɔ la bo ge na’am mɔɔlegɔ daana woo nari ti a bisɛ sɛla n makɛ bo en.

To Wan Eŋɛ Se’em:

Soke yidaana la sokere n kɛ̃’ɛri suure ge pa’alɛ en la boi zuseko. Ho me ta’an le loe sokere se’a n boi zuo woo pɔsega poan. Yidaana la san lebese ba’asɛ, kaalɛ gulesegɔ n makɛ sɔsega la ge pa’alɛ en la boi kaalegɔ bɔberɛ se’ere gɔŋɔ la poan ti ya laɣum sɔsɛ fii.
Sɛla ti to wan ta’an le eŋɛ dela to dekɛ pɔsega yɛla la sɔsɛ ge nyaa pa’alɛ yidaana la Baabule la n tɔɣɛ yele la se’em gɔŋɔ la poan. Makerɛ n wana, ho ta’an tɔɣɛ yeledi’ire yele ti lasebaaredoma tɔɣɛ ge yele en yeti, nɛreba zo’e zo’e ti’iseri sokere ana wa n boi gɔnlaka 3 wa yele mɛ. Bii ho ta’an yele en yeti, to eeri kaara la nɛra woo yire pa’ala ba beere sa’am n wan tee se’em. Nyaa dekɛ fɔɔra la n boi gɔnlaɣesi 4-5 la pa’alɛ en ge soke yeti, “Pu’ulumbiŋe ana wa, deni ti hon wan bɔta ti la sirum tum?” Ho ta’an le yeti to eeri sɔsera mɛ la nɛreba yelese’a n pakɛ to paa to vom poan. Pa’alɛ yidaana la sokere la n boi teŋanɔɔrɛ gɔnlaka 6 ge nyaa soke en sokere se’ere ti a bɔta.
Ho san paɛ yidaana la zɛ’an da gu’um ti ho pɔsɛ eŋɛ Baabule zamesegɔ. Ho ta’an yeti, “To tari la gɔŋɔ wa pa’ala nɛreba to iti Baabule zamesegɔ se’em. Hon tabelɛ nyɛ gɔŋɔ wa? [Gura ti a lebese.] Ho san tara saŋa fii, n wan bɔta ti n pa’alɛ hɔ to tari ku ita Baabule zamesegɔ se’em.”

Dekɛ Tum Tuuma Ŋmarega Wa Poan:

Ya deodoma san ita deodoma pu’usegɔ, eŋɛ ya itipa’alegɔ bisɛ ya wan dekɛ gɔŋɔ la bo se’em.
Ya san bɔna na’am mɔɔlegɔ poan, yele na’am mɔɔlegɔdoma basɛba hon maasum ti ho yele sɛla la. (Maga. 27:17) Sɛla ti ho maasum la san ka nɛ nini, tee.