Hon Bisɛ Ti Baabule La Dela Tuulum Lɔkɔ Bɔ’ɔra Hɔ?

Baabule la n de zilam gɔŋɔ la, tari la Yehowa Naayinɛ yelesum la a puti’irɛ, Eŋa n sɔi ku. (2Pe 1:20, 21) La tɔɣeri la Naayinɛ n nari ti a sɔna a so’olum bisera se’em a Na’am la poan, ti nɛresaaleba woo tara beere sa’am puti’irɛ ti la kan yue yelesoma wan wa’ana. Baabule la me le basɛ ti to baŋɛ to saazuo Sɔ, Yehowa, halisoma la mɛ.​—Ym 86:15.

To woo geele Yehowa Yetɔɣum la ti la dela tuulum bo to sarɔtɔ to’ore to’ore poan. Ge to ni kaalɛ ku mɛ ge ti’isa taɣesa ti la pa’alɛ ti to sirum geele de ti la dela tuulum bɔ’ɔra tɔ, to vom poan? Basɛ ya ti to itigɔ niɛ pa’alɛ ti to wuni dama wuu bahumbaana la n yele se’em la ti: “Mam nɔŋɛ ho pa’alegɔ la mɛ!”—Ym 119:97.

BISƐ VIDIYO LA N DE BAABULE LA DELA TUULUM BO BA​—ASE’A (WILLIAM TYNDALE), GE NYAA LEBESE SOKERE ANA WA:

• 

  Beni n sɔi ti William Tyndale yuun lerege Baabule la bɔba ase’a?

• Beni n sɔi ti eŋa n yuun mɔɔri ti a lerege Baabule la dɛna ɔmi’isa?

• Ba yuun eŋɛ la wani ta’an dekɛ Tyndale Baabula la li’isɛ kɛ̃ England teŋa poan?

• Tomam ayima ayima woo wan eŋɛ la wani pa’alɛ ti Naayinɛ Yelesum la dela tuulum bɔ’ɔra tɔ?