TO BƆNA WUU KRISTAKƆMA
To San Tara Nɔŋerɛ To Wan Nam Bo Yehowa Tubedɔlegerɛ
Ba san yese nɛra tansugere la poan, la te’eli tansugere la mɛ ge me soŋera be’emdaana la ti a ta’an tee. (1Ko 5:6, 11) To san nam bo Yehowa tubedɔlegerɛ, la wan pa’alɛ ti to tari nɔŋerɛ. La wan eŋɛ la wani ta’an dɛna bala la to mi ti ba san yese nɛra tansugere la poan, la ni basɛ ti ba suurɔ la sɛba n gãkɛ yele la suure sa’am la?
Sɛla n gani za’a la, to wan eŋɛ pa’alɛ ti to nam Yehowa zilam pa’alegɔ la mɛ ge me bɔ’ɔra en gilema. (1Pe 1:14-16) To me wan le eŋɛ pa’alɛ ti to nɔŋɛ nɛra la ti ba yese en tansugere la poan la mɛ. To suure ni sa’am mɛ ba san dɔlegɛ to tuberɛ ge bala wan basɛ ti to dɛna la “sɛba n tare sunma’ahom ge dɛna tontɔɔdoma.” (Heb 12:5, 6, 11) To san sɔsa la nɛra ti ba yese en tansugere la poan bii nɛra se’em n zaɣesɛ Yehowa, la pa’alɛ ti to iti la kpenkpasi la Yehowa. Tɛra ti, Yehowa ni dɔlegɛ nɛra tuberɛ mɛ ‘ti la makɛ ma’a.’ (Yer 30:11) To san nam bo Yehowa tubedɔlegerɛ ge kelum tuna vo’osum poan tuuma, to tari suure lua ti nɛra la wan lebe to nimbɔ̃zore Sɔ la zɛ’an na.—Isa 1:16-18; 55:7.
BISƐ ITIPA’ALEGƆ VIDIYO LA ZUO N DE KƆ’ƆN TARA YELEMƐŊƐRƐ HO SUUREN BƆ’ƆRA NAAYINƐ GE NYAA LEBESE SOKERE ANA WA:
La ni ana Kristakɔma dɔɣereba la wani ba bia san zaɣesɛ Yehowa?
Tansugere la wan eŋɛ la wani soŋɛ deodoma sɛba ti ba yese ba suɔ tansugere la poan la?
Bem makerɛ n boi Baabule la poan n pa’alɛ la yele n pakɛ se’em ti to nɔŋɛ Yehowa gana to yidoma?
To wan eŋɛ la wani nɔŋɛ Yehowa gana to yidoma?