Tubedɔlegerɛ Pa’alɛ La Yehowa Nɔŋerɛ

Tubedɔlegerɛ dela ka’aŋɔ la pa’alegɔ ge me ta’an le dɛna demesego la ŋmɛ’a. Yehowa ni dɔlegɛ to tuberɛ mɛ ti to ta’an pu’usa en sose’ere n nari poan. (Arom 12:1; Heb 12:10, 11) Saŋa ase’a tubedɔlegerɛ ni tɔna mɛ ge la tari la kã’a la tontɔɔ tuuma. (Mag 10:7) Sɛba ti ba ni dɔlegɛ ba tuberɛ la sɛba n bo’ori tubedɔlegerɛ nari ti ba tɛra la bem?

Se’em n bo’ori tubedɔlegerɛ la. Keendoma, dɔɣereba la mabiisi basɛba ni tiregɛ mɛ doose nɔŋerɛ la guŋerɛ sore poan dɔlegɛ nɛreba tuberɛ wuu Yehowa n iti se’em la. (Yer 46:28) Hali la tubedɔlegerɛ seko n tɔi paa nari ti la makɛ ma’a ti nɔŋerɛ bɔna bim.​—Tit 1:13.

Se’em ti ba dɔlegɛ a tuberɛ la. Tubedɔlegerɛ la san puɣum tɔna la se’em me, la nari ti to eŋɛ kalam dekɛ tum tuuma ge da zaɣesɛ. (Mag 3:11, 12) To ka di mi’a la zuo, to za’a waabi nari tubedɔlegerɛ mɛ. Tubedɔlegerɛ la ta’an dɛna sɛla ti to kaalɛ nyɛ Baabule la poan bii sɛla ti to wum tansugere zamesegɔ poan. Saŋa ase’a to sɛba nari ti tansugere yele maalegɔdoma dulegɛ to tuberɛ. To san sakɛ tudɔlegerɛ woo, la wan basɛ ti to ta nyɛ vom.​— Mag 10:17.

BISƐ VIDIYO LA ZUO N DE “YEHOWA N NƆŊƐ SƐBA LA TI A DƆLEGERA BA TUBA” GE NYAA LEBESE SOKERE ANA WA:

• 

  Pɔsega la, Canon yuun ani la wani ge a yuun tee la wani?

• 

  Yehowa yuun dɔlegɛ a tuberɛ la wani?

• 

  To wan ta’an zamesɛ la bem a yele la poan?