TO BƆNA WUU KRISTAKƆMA
To Zamesɛ Yelese’a Samuel Vom Poan
Samuel yuun kɔ’ɔn tara la sira sakerɛ bɔ’ɔra Yehowa a vom poan. Eŋa n yuun de bia la, a yuun daɣɛ biyaalega wuu Eli dayɔɔsi, Hofoni la Finehas. (1Sa 2:22-26) Samuel n yuun zo’ori kutɛ la Yehowa yuun boi mɛ la en. (1Sa 3:19) Eŋa n yuun ta dɛna bunkutɛ la, a yuun kɔ’ɔn kelum dɔla la Yehowa pa’alegɔ la, la boi bim ti a dayɔɔsi la yuun ka iti bala.—1Sa 8:1-5.
Samuel makesonɛ wa pa’alɛ to la bem? Ho san dɛna bunbilipaalega, tara suure lua ti Yehowa bɔkeri yelese’a n paari hɔ ti la ana ho se’em mɛ. A wan soŋɛ hɔ ti ho tara sukpe’ene. (Isa 41:10, 13) Ho san dɛna dɔɣera ti ho bia dɛna biyaalega, ho wan nyɛ subuɣelegɔ la Samuel n yuun ka pɛregɛ a kɔma ti ba ana tapilapi la Yehowa dɔla a pa’alegɔ la. Samuel n yuun dekɛ yele la eŋɛ Yehowa nu’usin la, a yuun kelum tara a birikinte mɛ ge me ita sɛla n wan pee a saazuo Sɔ, Yehowa puurɛ. Daanse’ere ho makesonɛ la wan basɛ ti ho bia la lebe Yehowa zɛ’an.
BISƐ VIDIYO LA ZUO N DE TƆƔESA BA—SAMUEL GE NYAA LEBESE SOKERE ANA WA:
Samuel n yuun de bia la, a yuun eŋɛ la bem pa’alɛ ti a tari sukpe’ene?
Danny me eŋɛ la bem pa’alɛ ti a tari sukpe’ene?
Samuel n yuun de bunkutɛ la, a yuun eŋɛ la bem makesonɛ bo to?
Yehowa soŋeri sɛba n ze kakaŋi tuna tuntɔɔ tuuma mɛ
Danny dɔɣereba eŋɛ la bem makesonɛ bo to?