TO BƆNA WUU KRISTAKƆMA
Geele Homea Wuu Yehowa N Geele Ho Se’em La
‘Yehowa suure kɛ̃ a nɛreba mɛ.’ (Ym 149:4) La boi bim ti to ka di mi’a ge Yehowa biseri la to halesoma, la to wan ta’an eŋɛ sɛla. Ge saŋa ase’a, la ni kpe’em bo to mɛ ti to baŋɛ ti to tari halesoma. Nɛreba n iti to se’em la ta’an basɛ ti to ti’isa ti to ka tari vuurɛ. To me san dekɛ to puti’irɛ kpa be’em seto ti to tum kurum, la ta’an basɛ ti to ti’isa ti Yehowa ka nɔŋɛ tɔ. La san ta ana to bala, bem n wan soŋɛ tɔ?
Tɛ̃ra ti Yehowa nyɛti nɛresaaleba n ka nyɛti sɛla mɛ. (1Sa 16:7) Bala pa’alɛ ti a mi to gana ton mi tomea se’em mɛ. Yelesonɛ la dela Baabule la soŋɛ to mɛ ti to bɔkɛ Yehowa n geele to se’em. To san kaala Baabule zɛse’esi n pa’alɛ Yehowa n nɔŋɛ a nɛreba se’em, la soŋeri to mɛ ti to bɔkera Yehowa n geele nɛreba se’em.
ŊMƐ VIDIYO LA ZUO N DE BASƐ TI HO SUURE ANA MAMA YEHOWA NƐŊAN GE NYAA LEBESE SOKE ANA WA:
Makerɛ la n tɔɣeri bia n zoti, la a sɔ yele la, pa’alɛ tɔ ti Yehowa geele to la wani?
Nɛra san tum be’em ge eŋɛ yelese’a woo n nari ti a basɛ ti eŋa la Yehowa le tara bɔnsoŋa, a wan eŋɛ la wani ta’an basɛ ti a suure ana mama Naayinɛ nɛŋan?—1Yo 3:19, 20
Mabia la nyɛ nyuurɔ la wani se’em ma’a ti a kaalɛ David la Yehosafat yele la ge ti’isɛ taɣesa de yele la?