Pigera Zontua INTANƐT TUUMA ZƐ'AN GƆNƆ ZAALEŊA
Pigera Zontua
INTANƐT TUUMA ZƐ'AN GƆNƆ ZAALEŊA
Farefare
Ɛ
  • ã
  • ɛ
  • ɛ̃
  • ɣ
  • ŋ
  • ɔ
  • ɔ̃
  • BAABULE
  • GƆNƆ
  • ZAMESEGƆ
  • w25 March gɔn. 14-19
  • Tɔɣesa Yezu Ta’an Tulegera Na’am Mɔɔlegɔ Tuuma La Poan

Vidiyo ka boi kalam.

Gaafara, daaŋɔ fii n boi vidiyo la poan.

  • Tɔɣesa Yezu Ta’an Tulegera Na’am Mɔɔlegɔ Tuuma La Poan
  • Pigera Zontua N Mɔɔli Yehowa Na’am La—2025
  • Zupiɣesi
  • Ka Taaba
  • A YUUN TƐ̃RI YEHOWA N BOTI A TUM SƐLA
  • A YUUN BƆKƐ GE TUNA TI LA MAKƐ LA BAABULE YETƆƔEBIŊ’A
  • A YUUN TARI SUURE LUA TI YEHOWA WAN SOŊƐ EN
  • A YUUN TARI PUTI’IRƐ TI NƐREBA WAN KELESE
  • Hon Wan Eŋɛ Se’em Tara Pupeelum Zo’e Zo’e Na’am Mɔɔlegɔ Tuuma La Poan
    Pigera Zontua N Mɔɔli Yehowa Na’am La (Zamesegɔ)—2024
  • Basɛ Ti Nɔŋerɛ Soŋɛ Hɔ Ti Ho Kelum Mɔɔla!
    Pigera Zontua N Mɔɔli Yehowa Na’am La (Zamesegɔ)—2024
  • Sirege Homea Sakɛ Sɛla Ti Ho Ka Mina
    Pigera Zontua N Mɔɔli Yehowa Na’am La—2025
  • Yehowa Wan Ta Gãkɛ Nɛreba La Wani Beere Sa’am?
    Pigera Zontua N Mɔɔli Yehowa Na’am La (Zamesegɔ)—2024
Bisɛ Ase'a Pa'asɛ
Pigera Zontua N Mɔɔli Yehowa Na’am La—2025
w25 March gɔn. 14-19

ZASEŊƆ 11

YUUNƐ 57 Preaching to All Sorts of People (Mɔɔla Bɔ’ɔra Nɛra Woo)

Tɔɣesa Yezu Ta’an Tulegera Na’am Mɔɔlegɔ Tuuma La Poan

“To Daana nya daa . . . tom la bayi bayi te ba diŋɛ a nɛŋa la ba keŋɛ teŋse’ehe woo te a tara a potɛn’ɛrɛ te a wan keŋɛ bini.”—LU. 10:1.

YELEKPINE

Sarɔtɔ tunaasi poan ti ho wan ta’an tɔɣesa Yezu n yuun tulegeri na’am mɔɔlegɔ tuuma poan se’em.

1. Bem n basɛ ti Yehowa yamesi bɔna ba to’ore la sɛba n yeti ba dela Kristakɔma la?

YELE deyima n basɛ ti Yehowa yamesi bɔna ba to’ore la sɛba n yeti ba dela Kristakɔma dela ban tulegeria se’em na’am mɔɔlegɔ tuuma la poan la. (Titus 2:14) Ge saŋa ase’a la ta’an kpe’em ti to tara pupeelum na’am mɔɔlegɔ tuuma la poan. Daanse’ere la ani ho wuu lan ani mabia ayima n de keema se’em la. A yuun yeti, “Saŋa ase’a mam inya ni ka kpeŋe ti n mɔɔla.”

2. Bem zuo ti saŋa ase’a la ta’an kpe’em bo to ti to tulegera na’am mɔɔlegɔ tuuma la poan?

2 To puurɛ ta’an pee ti to tuna tuuma ase’a Yehowa pu’usegɔ poan gana ton wan mɔɔla yelesoma la. Beni n sɔi? Se’ere n sɔi la, to san mɛta Na’am Pu’usegɔ Deto bii malum maala basɛba, soŋera to mabiisi yeledi’ima poan bii to kpemeseri la ba giila saŋa ase’a ge nyɛta lan keni soŋa se’em la, la ni basɛ ti to puurɛ n pee. To tari la nɔŋerɛ la suma’asum tuna la to mabiisi. To me mi ti ba puurɛ pee mɛ la ton iti sɛla la. Ge to ta’an mɔɔla zɛ’an kayima yuuma zo’e zo’e ge ti nɛreba fii ma’a n boti Baabule yelesum la. Basɛba me ta’an ka bɔta ti ba kelese. To me mi ti ba’asegɔ la n kɔ’ɔn pɔ̃ra la, nɛreba wan giisa tɔ. (Mt. 10:22) Bem n wan soŋɛ tɔ ti to kɔ’ɔn tulegera na’am mɔɔlegɔ tuuma la poan?

3. Luke 13:​6-9 pa’alɛ Yezu n yuun tulegeri se’em la wani?

3 To san tɔɣesa Yezu to wan ta’an tulegera na’am mɔɔlegɔ tuuma la poan. Yezu n yuun boi tingɔŋɔ wa zuo la a yuun kɔ’ɔn tiregera mɛ mɔɔla bɔ’ɔra nɛreba. A yuun kɔ’ɔn tulegera mɛ a na’am mɔɔlegɔ tuuma la poan. (Kaalɛ Luke 13:​6-9.) Yezu yuun dekɛ a tuuma la makɛ mɛ la va’amdaana n tiregɛ tum yuuma atã a kenkama va’am poan ti la ka wɔm. Bala mea nɔɔ ti Yezu yuun mɔɔlɛ yuuma atã bo Yudadoma la ge ba zo’e zo’e yuun ka sakɛ bo en. Ge Yezu yuun ka gɛ̃ ba basɛ. A yuun kelum mɔɔla bɔ’ɔra ba mɛ wuu va’amdaana la n yuun tari puti’irɛ ti kenkaŋa la wan wɔm la. A yuun mu’ɛ la nini mɔɔla bɔ’ɔra Yudadoma la ti a soŋɛ ba ti ba sakɛ yelesoma la.

4. Bem yɛla anaasi ti to wan ta’an zamesɛ Yezu zɛ’an?

4 Zaseŋɔ wa poan, to wan sɔsɛ Yezu n yuun tulegeri se’em na’am mɔɔlegɔ tuuma la poan, yele yele wuu lan yuun gee ŋmaresi siyoobe la a ba’asɛ a na’am mɔɔlegɔ tuuma la. Tomam me wan ta’an tulegera na’am mɔɔlegɔ tuuma la poan to san zamesɛ baŋɛ Yezu n yuun pa’alɛ ge ita yelese’a. To wan bisɛ yɛla anaasi ti to wan ta’an zamesɛ Yezu zɛ’an: (1) A yuun boti la a tum Yehowa puti’irɛ n boti sɛla, (2) a yuun bɔkɛ ge tuna ti la makɛ la Baabule yetɔɣebiŋ’a, (3) a yuun tari suure lua ti Yehowa wan soŋɛ en, la (4) a yuun tari puti’irɛ ti nɛreba wan kelese en.

A YUUN TƐ̃RI YEHOWA N BOTI A TUM SƐLA

5. Yezu yuun eŋɛ la wani pa’alɛ ti eŋa n wan tum Naayinɛ n boti sɛla la dela ninmu’urɛ bɔ’ɔra en?

5 Yezu yuun mu’ɛ la nini mɔɔla ‘Na’am la yelesoma la,’ se’ere n sɔi la a yuun mi ti la dela tunse’ere ti Naayinɛ bɔta ti a tum. (Lu. 4:43) Na’am mɔɔlegɔ tuuma la yuun dela ninmu’urɛ bɔ’ɔra Yezu. Lan yuun gee fii ti a ba’asɛ a na’am mɔɔlegɔ tuuma la, a yuun keni la “teŋkanra la teŋbibihe poan” pa’ala nɛreba. (Lu. 13:22) A me yuun kumesɛ la podɔleba basɛba pa’asɛ ti ba mɔɔla.—Lu. 10:1.

6. La boi bim ti to tuni la tuuma ase’a bɔ’ɔra Yehowa ge a geele na’am mɔɔlegɔ tuuma la, la wani? (Bisɛ foote la.)

6 Zina beere wa, na’am mɔɔlegɔ tuuma la dela ninmu’urɛ tuunɛ ti Yehowa la Yezu bɔta ti to tum. (Mt. 24:14; 28:​19, 20) Tunse’a woo ti to tuna bɔ’ɔra Yehowa soŋeri la na’am mɔɔlegɔ tuuma la. Makerɛ, ton mɛti Na’am Pu’usegɔ Deto ge tuna Betel tuuma la soŋeri na’am mɔɔlegɔ tuuma la mɛ. To ni soŋɛ to mabiisi yeledi’ima san paɛ ba, lan wan eŋɛ se’em ti ba ta’an le kena zamesegɔ la na’am mɔɔlegɔ. To san tɛ̃ra ti na’am mɔɔlegɔ tuuma la dela ninmu’urɛ tuunɛ ti Yehowa bɔta ti to tum, to inya wan kpeŋe ti to mɔɔla saŋa woo. János n de keema bɔna Hungary yeti, “Mam ni tiisa n mea ti tuunɛ ka boi n wan ta’an soe na’am mɔɔlegɔ tuuma la se’ere n sɔi la, la dela ninmu’urɛ tuunɛ.”

Fɔɔra: 1. Mabia n boi tiokrasi mɛa tuuma zɛ’an. 2. Mabia ayima me n boi yire ge tuna Betel tuuma. 3. Pooren ti mabiisi bayi wa bɔna na’am mɔɔlegɔ poan.

Zina beere wa, na’am mɔɔlegɔ tuuma la dela ninmu’urɛ tuunɛ ti Yehowa la Yezu bɔta ti to tum (Bisɛ kaalegɔ zɛ’an 6)


7. Beni n sɔi ti Yehowa bɔta ti to kɔ’ɔn mɔɔla? (1 Timoti 2:​3, 4)

7 To wan ta’an tulegera na’am mɔɔlegɔ tuuma la poan to san gɛɛla nɛreba wuu Yehowa n geele ba se’em la. A boti la nɛreba zo’e zo’e wum yelesoma la ge sakɛ bo a. (Kaalɛ 1 Timoti 2:​3, 4.) Bala zuo a kumeseri to mɛ ti to mɔɔla lan wan eŋɛ se’em ti la faaɛ nɛreba basɛ. Makerɛ, Nɔŋɛ Nɛreba—Ɛ Podɔleba gɔnlɛmlɛm la pa’alɛ to la ton wan pɔsɛ sɔsega se’em ge soŋɛ nɛreba ti ba dɛna podɔleba. Hali nɛreba san puɣum ka sakɛ yelesoma la nananawa, ba wan ta’an tara yɔ’ɔ ti ba eŋɛ bala ge ti mɛlesekãtɛ la ba’asɛ. Beere sa’am, ba ta’an ta tiɛ ton yele ba sɛla la ge bɔta ti ba pu’usɛ Yehowa. Ge la wan ta’an eŋɛ to san kɔ’ɔn mɔɔla.

A YUUN BƆKƐ GE TUNA TI LA MAKƐ LA BAABULE YETƆƔEBIŊ’A

8. Yezu n yuun mi Baabule yetɔɣebiŋ’a la soŋɛ en la wani ti a dekɛ a saŋa tum soŋa?

8 Yezu yuun bɔkɛ Baabule yetɔɣebiŋ’a n wan tum tuuma se’em. A yuun mi ti a wan tum a na’am mɔɔlegɔ tuuma la yuuma atã la girego. (Da. 9:​26, 27) A me yuun mi sansɛka, la sore sɛka poan ti a wan ki. (Lu. 18:​31-34) Yezu n yuun mi wana wa la zuo, a yuun dekɛ la a saŋa la tum soŋa soŋa. Bala zuo, a yuun mu’ɛ la nini mɔɔla lan wan eŋɛ se’em ti a ta’an tum tunse’a ti ba dekɛ bo en la ba’asɛ.

9. To san bɔkɛ Baabule yetɔɣebiŋ’a, la wan soŋɛ to la wani ti to mu’ɛ nini mɔɔla?

9 To san bɔkɛ Baabule yetɔɣebiŋ’a la wan soŋɛ tɔ ti to mu’ɛ nini mɔɔla. To mi ti la kan yue ba’asegɔ la wan wa’ana. Yelese’a n iti, la halese’a ti nɛreba tara la pa’alɛ ti Baabule yetɔɣebiŋ’a tuni la tuuma. Baabule la tɔɣɛ biŋe ti “ba’ahegɔ saŋa la poan” saazuo bɔba naba la, la tiŋanɔɔrɛ bɔba naba la wan zabera la taaba. To bɔkɛ ti yele wa pa’alɛ la Anglo-Amerika Tingɔŋɔ Kpe’eŋo la n zaberi la Russia la a tinbibisi la. (Da. 11:40) To me bɔkɛ ti wɔ̃nɛ la nadibisi la ti Daniel 2:​43-45 tɔɣɛ de yele la ze’ele bo la Anglo-Amerika Tingɔŋɔ Kpe’eŋo la. Wuu yetɔɣebiŋ’a la n pa’alɛ se’em la, la kan yue Naayinɛ Na’am la wan sa’am asaala gɔmɛt woo. Yetɔɣebiŋ’a ana wa za’a pa’alɛ ti ba’asegɔ la kɔ’ɔn pɔ̃ra mɛ ti la nara ti to tara to saŋa tuna soŋa ta’an mɔɔla yelesoma la.

10. Sarɔtuni poan ti Baabule yetɔɣebiŋ’a kpɛmesa to giila ti to mɔɔla?

10 Baabule yetɔɣebiŋ’a basɛ ti to mina la yelese’a ti to kɔ’ɔn bɔta ti to mɔɔlɛ bo nɛreba. Mabipɔka Carrie n boi Dominican Republic yeti, “Mam san ni ti’isa Yehowa n pu’ulum biŋe ti a eŋɛ sɛla beere sa’am la, mam ni bɔta la n tɔɣɛ bo nɛreba.” A le yeti: “Mam san nyɛ yeledaaŋɔ se’a n paari nɛreba zina beere wa, mam ni baŋɛ ti ba me nari ti ba baŋɛ Yehowa n boti a eŋɛ sɛla bo bamam me.” Baabule yetɔɣebiŋ’a wa pa’alɛ ti Yehowa wan soŋɛ tɔ ti to tum tuunɛ wa. Wana wa kpemese la to giila ti to kɔ’ɔn mɔɔla. Leila n boi Hungary yeti: “Isaiah 11:​6-9 soŋɛ mam mɛ ti mam mɔɔla yelesoma la bɔ’ɔra sɛba n ka boti ba sakɛ bo yelesoma la. Mam mi ti Yehowa wan ta’an soŋɛ nɛra ti a tee.” Christopher n boi Zambia yeti: “Wuu Mark 13:10 n pa’alɛ se’em la, to kɔ’ɔn mɔɔla yelesoma la tingɔŋɔ wa za’a poan. La me dela pupeelum bɔ’ɔra mam la mam n laɣum soŋera ti yetɔɣebiŋ’a wa tuna tuuma la.” Baabule yetɔɣebiŋ’a ani n soŋeri hɔ ti ho kɔ’ɔn mɔɔla?

A YUUN TARI SUURE LUA TI YEHOWA WAN SOŊƐ EN

11. Bem zuo ti la yuun nara ti Yezu dekɛ amea delum Yehowa ta’an tulegera na’am mɔɔlegɔ tuuma la poan? (Luke 12:​49, 53)

11 Yezu yuun dekɛ la amea delum Yehowa ti a soŋɛ en ti a tulegera na’am mɔɔlegɔ tuuma la poan. La boi bim ti Yezu yuun mi la guŋerɛ a yetɔɣum poan ge a yuun mi ti Na’am yelesoma la wan basɛ ti nɛreba sunsɔa nyie ti ba giisa en. (Kaalɛ Luke 12:​49, 53.) Pu’usegɔ nɛŋadoma la yuun ka boti Yezu n mɔɔli sɛla la, bala la ba yuun kɔ’ɔn tiregera mɛ ti ba ku en. (Yon 8:59; 10:​31, 39) Ge Yezu yuun kɔ’ɔn mɔɔla mɛ se’ere n sɔi la a yuun mi ti Yehowa boi mɛ la en. A yuun yeti: “N dagɛ n ma’an. N Sɔ se’em n tom mam na la n boe la mam. . . . A ka bahɛ mam la n ma’an. Sɛla n sɔe la n ete sɛla woo n ete a suunre nyɛlom.”—Yon 8:​16, 29.

12. Yezu yuun soŋɛ a podɔleba la wani ti ba kelum mɔɔla yaarɛ san paɛ ba?

12 Yezu yuun tiɛ a podɔleba la ti ba wan ta’an dekɛ bamea delum Yehowa ti a soŋɛ ba. A yuun basɛ ti ba tara la suure lua ti Yehowa wan kɔ’ɔn soŋɛ ba. (Mt. 10:​18-20; Lu. 12:​11, 12) A yuun yele ba ti ba bisera bamea soŋa. (Mt. 10:16; Lu. 10:3) A yuun le yele ba ti ba da pɛ̃regɛ nɛreba, ba san yeti ba kan kelese. (Lu. 10:​10, 11) A le yele ba ti ba zɔ loŋe tiŋa, yaarɛ san paɛ ba. (Mt. 10:23) La boi bim ti Yezu yuun dekɛ la amea delum Yehowa ge tulegera na’am mɔɔlegɔ tuuma la poan ge a yuun ka dekɛ amea eŋɛ dɛŋa poan.—Yon 11:​53, 54.

13. Beni n sɔi ti ho wan ta’an tara puti’irɛ ti Yehowa wan soŋɛ hɔ?

13 To eeri la Yehowa soŋɛ tɔ ti to mu’ɛ nini mɔɔla, yaarɛ san paɛ tɔ. (Lil. 12:17) Beni n sɔi ti ho wan ta’an tara puti’irɛ ti Yehowa wan soŋɛ hɔ? Geele Yezu zusega la n boi Yon a zuo 17 la. Yezu yuun zusɛ Yehowa ti a bisera a tuntuneba la ti Yehowa me yuun lebese a zusega la. Tooma gɔŋɔ la basɛ ti to baŋɛ ti a yuun soŋɛ tuntuneba la ti ba tulegera, la ka pakɛ la yaarɛ la za’a. Yezu yuun le zusɛ ti Yehowa bisera sɛba n wan sakɛ a tuntuneba la n wan mɔɔlɛ yelese’a bo ba la. Ho me laɣum pa’asɛ sɛba n tari sakerɛ la poan mɛ. Yehowa kelum kɛlesa la Yezu zusega la; A wan soŋɛ hɔ wuu eŋa n yuun soŋɛ tuntuneba la se’em la.—Yon 17:​11, 15, 20.

14. To eŋɛ la wani baŋɛ ti to wan ta’an kelum tulegera na’am mɔɔlegɔ tuuma la poan? (Bisɛ foote la.)

14 Ba’asegɔ la n pɔ̃ri la, la ta’an kpe’em bo to ti to mɔɔla yelesoma la. Ge Yezu basɛ ti to tara suure lua ti Yehowa wan soŋɛ tɔ ti to mu’ɛ nini mɔɔla. (Lu. 21:​12-15) Wuu Yezu la tuntuneba la, to ka pɛ̃regeri nɛreba ti ba kelese bii to ŋmɛ nɔkpe’ene la ba. Hali la tinse’esi ti ba gu to tuuma la, to mabiisi kelum mɔɔla la yelesoma la, se’ere n sɔi la ba dekɛ la bamea delum Yehowa. Yuun kɔbesɛka n deŋɛ nɛŋa la poan, Yehowa yuun bo a yamesi la paŋa ti ba mɔɔlɛ. Bala mea ti a bɔ’ɔra to paŋa ti to “mɔɔla yelesoma la” soŋa soŋa wuu eŋa n boti se’em la. (2 Tim. 4:17) Tara suure lua ti ho san dekɛ homea delum Yehowa ho wan ta’an kelum tulegera na’am mɔɔlegɔ tuuma la poan.

Hali ba san gu to tuuma la, mabiisi la ni bisɛ la ban wan eŋɛ se’em mɔɔla yelesoma la ti dɛŋa da paara ba (Bisɛ kaalegɔ zɛ’an 14)b


A YUUN TARI PUTI’IRƐ TI NƐREBA WAN KELESE

15. Bem n pa’alɛ ti Yezu yuun tari puti’irɛ ti nɛreba wan kelese yelesoma la?

15 Yezu yuun tari puti’irɛ ti nɛreba wan kelese yelesoma la. Wana wa yuun soŋɛ en mɛ ti a tara pupeelum mɔɔla yelesoma la. Makerɛ, yuun 30 Y.B. bɔba, Yezu yuun baŋɛ ti nɛreba zo’e zo’e n boti ba kelese yelesoma la. A yuun dekɛ nɛrebana makɛ mɛ la dia n bi seke buŋa. (Yon 4:35) Yuunɛ pooren, a yuun yele a podɔleba la ti: “Dia la maalɛ mɛ.” (Mt. 9:​37, 38) Pooren, a yuun le yeti: ‘Dia la bi’ɛ zo’e mɛ. Belum ya Va’amdaana la ti a tum tuntuneba ti ba ta dekɛ a dia la.’ (Lu. 10:2) Yezu yuun kɔ’ɔn tara la puti’irɛ ti nɛreba basɛba wan kelese yelesoma la, bala yuun basɛ ti a puurɛ pee mɛ se’em ma’a ti ba kelese la.—Lu. 10:21.

16. Sodeni poan ti Yezu maɣesa la pa’alɛ ton wan tara putɛsonɛ se’em la na’am mɔɔlegɔ tuuma la? (Luke 13:​18-21) (Bisɛ foote la.)

16 Yezu yuun soŋɛ a podɔleba la ti ba kɔ’ɔn tulegera ge tiɛ ba ti ba wan nyɛ nyuurɔ la ban mɔɔli yelesoma la. Makerɛ, bisɛ a maɣesa ayi wa. (Kaalɛ Luke 13:​18-21.) Yezu yuun dekɛ yelesoma la makɛ mɛ la biileho pika n zo’e ta dɛna tikãtɛ. Wana pa’alɛ ti nɛreba zo’e zo’e wan sakɛ yelesoma la ti sɛsɛla kan ta’an gu dɛ. A le dekɛ Na’am yelesoma la makɛ mɛ la mi’isum. Se’ere n sɔi la ba wan mɔɔlɛ yelesoma la zɛ’ɛsi zo’e zo’e ti nɛreba tee, la boi bim ti teere wa kan niɛ peelumi kalam ti nɛreba nyɛ. Bala la, Yezu yuun basɛ ti ba tara suure lua ti yelesoma la ti ba mɔɔla la wan soŋɛ nɛreba zo’e zo’e.

Mabipɔɣesi bayi n tari na’am mɔɔlegɔ toroko dita sɛɛra. Nɛreba zo’e zo’e n kɔ’ɔn kena tɔla ge ka zɛ’ɛta.

Wuu Yezu la, to tari puti’irɛ ti nɛreba basɛba wan kelese yelesoma la (Bisɛ kaalegɔ zɛ’an 16)


17. Bem zuo ti to wan ta’an tara putɛsonɛ la yelesoma la ti to mɔɔla la?

17 To san ti’isɛ bisɛ na’am mɔɔlegɔ tuuma la n soŋeri nɛreba se’em tingɔŋɔ wa za’a poan, la ni kpemese la to giila ti to kelum mɔɔla. Yuunɛ woo, nɛreba tusa tusa ni wa’an Tiirɛ Dia la me na, ti to ni pɔsɛ zamesa ba Baabule la. Nɛreba zo’e zo’e me ni muse la ko’om ge naɛ la tɔ mɔɔla. To ka mi nɛresɛba n kelum gee ti ba kelese yelesoma la ge to mi ti Yehowa laɣeseri la nɛrekuuŋɔ n wan nyɛ faarɛ mɛlesekãtɛ la poan. (Lil. 7:​9, 14) Yehowa n de Va’amdaana la tari suure lua ti nɛreba zo’e zo’e wan kelum mɔɔla.

18. Bem ti to bɔta ti nɛreba baŋɛ?

18 Yezu podɔleba kɔ’ɔn tulegera mɛ mɔɔla yelesoma la. Nɛreba n yuun nyɛ tuntuneba la n tɔɣeri la sukpe’ene se’em la, ‘ba yuun baŋɛ ti ba dela Yezu podɔleba.’ (Tm 4:13) Basɛ ya ti to kɔ’ɔn tulegera na’am mɔɔlegɔ tuuma la poan ti nɛreba baŋɛ ti to tɔɣeseri la Yezu.

TO WAN EŊƐ LA WANI KELUM TULEGERA TO SAN TƆƔESA YEZU N YUUN . . .

  • geele na’am mɔɔlegɔ tuuma la se’em?

  • dekɛ amea delum Yehowa la?

  • tari puti’irɛ ti nɛreba wan kelese yelesoma la?

YUUNƐ 58 Searching for Friends of Peace (Ɛɛra Sɛba N Boti Suma’asum)

a YELEBIRE VUURƐ: Zaseŋɔ wa poan,“tulegɛ” pa’alɛ la Kristakɔma n pee puurɛ ge mu’ɛ nini pu’usa Yehowa.

b FOOTE LA VUURƐ: Mabia n doose yɛm sore poan dita sɛɛra bɔ’ɔra buraa gas station poan.

    Frafra Gɔnɔ (2000-2025)
    Yese
    Yu'ɛ
    • Farefare
    • Tɔ̃rɛ
    • Hon boti sɛla
    • Copyright © 2025 Watch Tower Bible and Tract Society of Pennsylvania
    • Yelese'a N Nari Ti Ho Mina
    • Suɣelum Yɛla
    • Privacy Settings
    • JW.ORG
    • Yu'ɛ
    Tɔ̃rɛ