Zamesɛ Sɛla Fɔɔra La Poan

Tigere la gɔnɔ la tari la fɔɔra zo’e zo’e n pa’ali tɔ ninmu’urɛ yɛla. Ho wan eŋɛ la wani ta’an nyɛ nyuurɔ fɔɔra wa poan?

• Ge ti ho nyaa kaalɛ zaseŋɔ yele la, ni bisɛ fɔɔra la. Fɔɔra la ta’an basɛ ti ho puurɛ pee ge kpemese ho giila ti ho kaalɛ. Ho san nyɛ disɛka ti ho bɔta, ho inya n ni kita ti ho di. Bala mea nɔɔ ti ho inya wan kita ti ho kaalɛ sɛla, ho san deŋɛ nɛŋa bisɛ fɔɔra la. Ge ti ho nyaa kaalɛ sɛla, soke homea yeti, ‘Fɔɔra ani ti mam nyɛ?’—Am 7:​7, 8.

• Ho san kaala zaseŋɔ la, ti’isɛ bisɛ sɛla n sɔi ti fɔɔra la bɔna bim. Fɔɔra la san tara gulesegɔ bii ba pa’alɛ la fɔɔra la vuurɛ, ni kaalɛ ba. Ni ti’isɛ bisɛ fɔɔra la n makɛ la zaseŋɔ la se’em ge bisɛ hon wan dekɛ hon zamesɛ sɛla fɔɔra la poan la tum tuuma se’em.

• Ho san kaalɛ zaseŋɔ la ba’asɛ, le bisɛ fɔɔra la ti la soŋɛ hɔ ti ho tɛ̃ra yelekpina la. Nyaa mum nini ge bisɛ nyaa ho wan tɛ̃ra fɔɔra, la yelekpina la.

• Le bisɛ fɔɔra se’a n boi gɔŋɔ wa poan la ge bisɛ ho wan tɛ̃ra yelekpina se’a ti ho zamesɛ la.