Pa’alɛ Nɛreba Hon Zamesɛ Sɛla

To san zamesa Baabule la, to puurɛ n ni pee. Ge to san pa’alɛ nɛreba ton zamesɛ sɛla la n basɛ ti to ana du’a du’a la Yehowa se’em, la ni basɛ ti to puurɛ ni pee gaŋɛ la bala. Magaha 11:25 yeti: “Se’em n bo’ore ko’om malom nyɛta ko’om.”

To san pa’alɛ nɛreba ton zamesɛ sɛla, la ni basɛ ti to kɔ’ɔn tɛ̃ra sɛla ti to zamesɛ la mɛ soŋa soŋa ge me bɔkɛ de soŋa. To puurɛ ni pee mɛ ti to dekɛ sɛla ti to zamesɛ la pa’alɛ nɛreba se’ere n sɔi la, la soŋeri la tomam me.—Tooma 20:35.

Eŋɛ bisɛ: Bakwai sɛka n keni na la, tiregɛ ta’an pa’alɛ nɛra hon zamesɛ sɛla. Ho ta’an pa’alɛ ho yire nɛra, ho tuntuna tadaana, ho sukuu tadaana, mabia n boi ho tansugere poan, nɛra n boi ho gingilega la poan, bii ho san seke nɛra na’am mɔɔlegɔ poan. Ni tiregɛ dekɛ homea yelebɛa tɔɣɛ ti la niɛ peelumi.

Tɛ̃ra yele wa: Tara hon zamesɛ sɛla la kpɛmesa nɛreba giila ge daɣɛ ho pa’ala hon mi sɛla.—1 Ko. 8:1.