Baabule La Yeti Bem La Nɛreba N Ni Isige Kuura Nɛreba Sukuu Poan La?

May 24, 2022, yeledi’ire n gaŋɛ nu’usi n daa paɛ tinpika ayima n boi Uvalde, Texas, U.S.A. The New York Times lasebaarɛ gɔŋɔ la yeti, “buraa n kɛ̃ Robb Elementary Sukuu la poan . . . ta ku kɔma pia la bawɛi la tikiyadoma bayi.”

Susa’aŋɔ yele la dela, to kɔ’ɔn nyɛta yelegaasa ana wa mɛ saŋa woo. USA Today lasebaarɛ gɔŋɔ la yeti United States poan ma’a, “yuunse’ere n tole la, ba kɛ̃ la sukuudoma kɔbesi siyi la pinaasi la bawɛi poan ta ku nɛreba. San daɣena yuun 1970 poan, ba ka tabelɛ nyɛ yele dena wa taaba.”

Beni n sɔi ti yelegaasa ana wa ita? To wan eŋɛ la wani ta’an ŋmibe yelegaasa ana wa poan? Beni n sɔi ti to tara sakerɛ ti gbiregere tuuma wan tole? Baabule la bo to lebesego mɛ.

Beni n sɔi ti gbiregere tuuma pirɛ tingɔŋɔ wa zuo bala?

•  Baabule la yeti tomam dabesa wa dela “ba’asegɔ dabesa la” ti nɛreba zo’e zo’e kan “tara giile bɔ’ɔra nɛreba” ge me “tuna gbiri gbiri tuuma,” bala pa’alɛ ti ba wan tuna zuku’urɛ la gbiregere tuuma. Sɛba n tari halɛ ana la wan “tum gaam be’ero.” (2 Timoti 3:1-5, 13) Ho san bɔta ti ho zamesɛ pa’asɛ, kaalɛ zaseŋɔ yele wa zuo n de “Did the Bible Predict the Way People Think and Act Today?” (Baabule La Tɔɣɛ Pa’alɛ Nɛreba N Wan Ti’isa Ge Me Ita Sɛla Zina Beere Wa?).

La eŋɛ nɛreba zo’e zo’e la pakerɛ ti ba sɔkera ti, ‘Beni n sɔi ti Naayinɛ ka gu yelegaasa tuuma n de wuu nɛreba n kuure nɛreba sukuu poan la?’ Ho san bɔta ti ho nyɛ Baabule la lebesego, kaalɛ zaseŋɔ yele wa zuo n de “Bad Things Happen to Good People​​—Why?” (Beni N Sɔi Ti Be’em Yɛla Paara Nɛresondoma).

To wan eŋɛ la wani ta’an ŋmibe yelegaasa ana wa poan?

•  “Sɛla woo ti ba gulesɛ biŋe la, ba gulesɛ ti la dɛna la pa’alegɔ bɔ’ɔra tomam, la wan eŋɛ se’em ti doose . . . la subuɣelegɔ la n boi Gulesegɔ la poan la, to wan tara beere sa’am puti’irɛ.”​​—Arom 15:4.

Baabule naresum yɛla wan ta’an soŋɛ hɔ ti ho ŋmibe yelese’a n iti tingɔŋɔ wa zuo la. Kaalɛ Awake! magazine la zuo n de “Will Violence Ever End?” (Gbiregere Tuuma Wan Malum Tole) zamesɛ yɛla pa’asɛ.

Ho san bɔta ti ho baŋɛ dɔɣereba n wan ta’an eŋɛ se’em soŋɛ ba kɔma ti ba ta’an ŋmibe lasebaarɛ yɛla n tari dabeem poan, kaalɛ zaseŋɔ yele wa zuo n de “Disturbing News Reports and Your Children” (Lasebaarɛ Yɛla N Wan Ta’an Daam Ho Kɔma Se’em).

Gbiregere tuuma wan malum tole?

•  “A wan faaɛ ba namesegɔ la gbiregere tuuma poan basɛ.”​​—Yooma 72:14.

•  “Ba wan kure ba su’usi ti la lebege niikɔ̃a ge kure kana ti la lebege kɛɛrenɔ. Tiŋa kan le dekɛ su’a zabɛ la tiŋa kayima, bii ba le zamesɛ zaberɛ leyɛ’ɛsa.”​​—Mika 4:3.

Naayinɛ wan tum asaala n kan ta’an tum sɛla la. A saazuo gɔmɛt la wan sa’am zaberɛ lɔɣɔrɔ ge yese gbiregere tuuma basɛ. Ho san bɔta ti ho zamesɛ Naayinɛ Na’am la n wan tum sɛla, kaalɛ zaseŋɔ yele wa zuo n de “Under God’s Kingdom ‘Peace Will Abound’” (Naayinɛ Na’am La Wan Basɛ Ti Suma’asum Bɔna).