Baabule La Yeti Bem La Nalɛɣerɛ Yɛla N Ta’asɛ Ti Gbiri Gbiri Bɔna La?

Dabesa ana wa, nɛreba kɔ’ɔn vɛ̃ɣena la ba kpɛ’ɛndoma.

Beni n sɔi ti nalɛɣerɛ yɛla basɛ ti gbiri gbiri bɔna bala? La wan malum tole? Baabule la yeti bem?

Baabule la tɔɣɛ nalɛɣerɛ yɛla n wan basɛ ti yelesego bɔna se’em

Baabule la yeti tomam saŋa wa ti to mina ti la dela “ba’ahegɔ dabeha la,” nɛreba zo’e zo’e wan tara halese’a n wan basɛ ti gbiri gbiri, la nɔkpɛ’ɛma bɔna.

• “Ba’ahegɔ dabeha la han ta pɔnra, la wan kpe’em bo nɛreba. Se’ere n sɔe la, toonbe’erodoma [kan] . . . tara popeelom la sɛla te nɛra se’em bo ba, ka zɔta Na’ayenɛ, . . . [ka tara nɔyinɛ], . . . dɛna zabzabereba. . . . Ba ŋma’anre la nɛreba ge me tona pototooma ge me kɔ’ɔn pa’ala ba mɛhe.”​—2 Timoti 3:1-4.

Baabule la le tɔɣɛ biŋe ti tomam saŋa wa, nɛreba wan ita kpenkpasi la gɔmɛtdoma ti nalɛɣerɛ gbiri gbiri me bɔna. (Luke 21:9) Ge nalɛɣerɛ gbiri gbiri, la yelesego kan bɔna bala wuusa.

Nalɛɣerɛ gbiri gbiri kan le bɔna

Baabule la yeti Naayinɛ wan dekɛ a saazuo gɔmɛt la tee soe asaala gɔmɛt woo.

• “Saazuo Yenɛ wa wan sɛ sɔ’ɔlom te bo . . . wan sagom sɔ’ɔlom woo n boe, ge zɛ’a ka tara ba’ahegɔ.”​—Daniel 2:44.

Naayinɛ Na’am la wan basɛ ti nɔyinɛ la suma’asum bɔna tingɔŋɔ wa za’a poan.

• Yezu Krista n de na’am la bisegadaana ti ba yi’ira en “Sunma’ahom Nabia” la, wan basɛ ti ‘suma’asum pa’asera la bala ka tara tɛka.’​—Isaiah 9:6, 7.

• Hali nananawa, a nɛreba la zameseri la ban wan eŋɛ se’em tara suma’asum. Bala n sɔi ti Baabule la yeti: “Ba wan vaɛ ba zaba so’ahe la kana tee kure kunya la leehe, ge dekɛ ba zaba kana kure kɛɛrehe. Teŋa kan le tɛn pɛɛma la ka tadaana.”​—Isaiah 2:3, 4.

Ho san bɔta ti ho zamesɛ yɛla pa’asɛ, kaalɛ zaseŋɔ yele la zuo n de “Naayinɛ Na’am La Wan Eŋɛ La Bem?” ge bisɛ vidiyo la zuo n de Naayinɛ Na’am La Dela Bem?