Baabule La Yeti Bem La Nazidoma N Yuun Siisum Ku Yehowa Sɛɛradoma La Nɛreba Zo’e Zo’e La?

January 27, 2023, nɛreba zo’e zo’e wan laɣesɛ tiɛ dabese’ere daarɛ ti ba yuun siisum ku nɛreba zo’e zo’e ti ba yi’ira International Holocaust Remembrance Day la. Yuun 75 n wana n tole ti ba yuun ku nɛreba zo’e zo’e la ta’an basɛ ti ho ti’isa ti, beni n sɔi ti Naayinɛ yuun bo yɔ’ɔ ti ba siisum ku nɛreba?

• Ho san bɔta ti ho baŋɛ Baabule la n tɔɣɛ yele wa se’em, kaalɛ zaseŋɔ yele la zuo n de “Beni N Sɔi Ti Nazidoma Yuun Siisum Kuura Nɛreba? Beni N Sɔi Ti Naayinɛ Ka Gu De?”

Ba yuun mɛlesɛ Yudadoma zo’e zo’e mɛ ti la dɛna nɔyalegerɛ. Ba yuun kɔ’ɔn mina mɛ fii ge basɛ ti nɛreba tustusa tũ foole ti ba ku ba. Ba yuun mɛlesɛ tiga ase’a mɛ ge nyaa siisum ku ba. Tiga wa ase’a dela Yehowa Sɛɛradoma ti ba yuun mɛlesa ba, ba sakerɛ zuo.

• Ho san bɔta ti ho zamesɛ baŋɛ yele wa pa’asɛ, kaalɛ zaseŋɔ yele la zuo n de “What Happened to Jehovah’s Witnesses During the Time of the Holocaust?” (Nazidoma N Yuun Siisum Kuura Nɛreba La, Bem N Yuun Paɛ Yehowa Sɛɛradoma Sankaŋa?)

‘Beere sa’am wan ta ana soŋa’

Nɛreba zo’e zo’e ti’isɛ ti saŋa keni na ti ba wan le siisum kuura nɛreba. Ge pupeelum yele la dela, Baabule la yeti yele ana wa kan le bɔna beere sa’am.

• “Yehowa yeti ‘mam mi putɛse’a ti n ti’isa bɔ’ɔra ya mɛ, n ti’iseri la suma’asum yɛla bɔ’ɔra ya ge daɣɛ daaŋɔ yɛla ti n basɛ ti la beere ta ana soŋa bɔ’ɔra ya.’”​—Yeremia 29:11.a

Beere sa’am puti’irɛ wa wan tum tuuma se’em ma’a ti Yehowa Naayinɛ yese putotuuma la yelese’a woo n basɛ ti daaŋɔ paara to la. La kan yue, a wan:

• Sa’am putɔpa la n basɛ ti daaŋɔ paara to la.​—Magaha 2:22.

• Tibɛ sɛba woo n nameseri la.​—Liligere 21:4.

• Isige nɛresɛba woo n ki la ti ba le bɔna tinparɛ wa zuo.​—Yon 5:28, 29.

Ho wan ta’an sakɛ Baabule la n pa’alɛ beere sa’am n wan ta ana soŋa se’em la. Ho san bɔta ti ho baŋɛ sɛla n sɔi ti ho wan ta’an sakɛ bala, to beem ho ti ho basɛ ti to zamesɛ ho Baabule la zaŋa.