Nɛreba Ka Le Dekɛ Bamea Delum Nalɛɣereba—Baabule La Yeti Bem?

Yuun 2024 poan, tisi zo’e zo’e wan di’e nu’o loe ba nɛŋadoma. Ge nɛreba zo’e zo’e ka le dekɛ bamea delum nalɛɣereba.

• Amerika nɛreba zo’e zo’e ti ba sɔsɛ la ba yeti “nalɛɣereba zo’e zo’e lɛɣeri na’am la bamea nyuurɔ zuo” ge daɣɛ ti ba boti la ba soŋɛ nɛreba.a—Pew Research Center, September 19, 2023.

Bunbilipaalesi zo’e zo’e ka le dekɛ bamea delum nalɛɣereba.

• “Bunbilipaalesi bɔkɛ bamam n boti sɛla mɛ ge ba yeti nalɛɣereba ka iti sɛla n wan soŋɛ bamam.”​—The New York Times, January 29, 2024.

• “Ba viisɛ baŋɛ ti bunbilipaalesi sakɛ ti ba dekɛ bamea delum nɛresɛba n nyɛ yu’urɛ YouTube poan gana bamam n dekɛ bamea delum nalɛɣereba.”—The Korea Times, January 22, 2024.

To wan ta’an dekɛ tomea delum nalɛɣereba ti ba tee tingɔŋɔ wa? To wan ta’an dekɛ tomea delum la bani?

Bisɛ homea soŋa la hon dekɛ homea delum nɛresɛba

Nɛreba tari buurɔ la ba bisɛ bamea soŋa la bamam n dekɛ bamea delum nɛresɛba. Baabule la yeti ‘yɛmpɔ’ɔredaana sakeri yele woo mɛ ge yɛmdaana ni ma’ɛ la amea ti’isa sɛla woo ti a ita.’​—Magaha 14:15.

• Ho san ɛɛra ti ho baŋɛ hon wan eŋɛ se’em ta’an baŋɛ lasebaarɛ se’a n de yelemɛŋɛrɛ bii sɛba n daɣɛ yelemɛŋɛrɛ, kaalɛ zaseŋɔ la zuo n de “Protect Yourself From Misinformation.” (Gu Homea Pumpɔreŋɔ Poan)

Leyɛ’ɛsa, hali nalɛɣereba sɛba n tari yelemɛŋɛrɛ, la putɛsonɛ la ka tari paŋa n wan ta’an tum sɛla woo n pakɛ nɛreba. Bala n sɔi ti Baabule la ka’am to yeti:

• ‘Da dekɛ homea delum nabiisi. Da delum nɛresaala n kan ta’an faaɛ hɔ.’—Yooma 146:3, Good News Translation.

Nɛŋadaana ti ho wan ta’an dekɛ homea delum

Baabule la pa’alɛ ti Naayinɛ loe la nɛŋadaana n kumesɛ ti to wan ta’an dekɛ tomea delum en. A dela Yezu Krista. (Luke 1:32, 33) Yezu n de Naayinɛ Na’am la Naba. Naayinɛ na’am la dela gɔmɛt n boi saazuo ge bisera.—Matu 6:10.

• Zamesɛ baŋɛ sɛla n sɔi ti ho wan ta’an dekɛ homea delum Yezu, la Yezu n wan eŋɛ se’em maalɛ yeledaaŋɔ seto n paari to la. Kaalɛ zaseŋɔ yɛla la zuo n de“Who Is the King of God’s Kingdom?” (Ani N De Naayinɛ Na’am La Naba?) la “What Will God’s Kingdom Accomplish?” (Naayinɛ Na’am La Wan Ta Eŋɛ La Bem?)