Yezu Wan Yese Tuunfɛ̃’ɛsa Basɛ

Yezu mi la ni ana to se’em, nɛra san tum tɔ ŋmɛlema tuuma ti to namesa. Nɛreba n yuun parum yɛla bo en, ŋmɛ en, gakɛ en sose’ere n ka nari poan ti a tum la be’em ge ti a me ka tara taalɛ. Ba me yuun mɛlesɛ en mɛ ta ku en. La boi bim ti Yezu yuun ka tari taalɛ ge a yuun sakɛ mɛ “dɛkɛ a vom yɔ to’e nɛreba kekeko bahɛ.” (Matu 20:28; Yon 15:13) Nananawa Yezu dela Naayinɛ Na’am la Naba. La kan yue a wan yese tuunfɛ̃’ɛsa basɛ ti tontɔɔ gakerɛ bɔna zɛ’an woo.​—Isaiah 42:3.

Yezu san pɔsɛ tuuma, Baabule la pa’alɛ tingɔŋɔ la n wan ana se’em mɛ:

• “Potɔpa la kan bɔna. Ho wan ma’ɛn ho mɛŋa ɛ ba, ge ho kan nyɛ ba. Ge sunbogohomdoma la n wan sɔna teŋa la, [nyaa] tara popeelom la tarega kantɛ sɛka n boe ka poan la.”​—Yooma 37:10, 11.

To wan eŋɛ la wani pa’alɛ ti to puurɛ pee mɛ la Yezu n eŋɛ sɛla bo to ge wan ta eŋɛ sɛla beere sa’am la? Sore deyima dela to zamesa ‘Naayinɛ Na’am la yelesoma’ ti Yezu yuun mɔɔlɛ la yɛla pa’asɛ. (Luke 4:43) Kaalɛ zaseŋɔ yele la zuo n de “What is the Kingdom of God?”