Yan Zabolotnyi/stock.adobe.com
KƆ’ƆN PIGERA!
Baabule La Yeti Bem La Putotuuma N Kɔ’ɔn Zɔ’ɔra Tingɔŋɔ Wa Poan La?
Nɛreyaalesi gbirigbiri tuuma n daani Haiti tiŋa. Gbirigbiri tuuma n basɛ ti nɛreba namesa South Africa, Mexico la Latin America tisi ase’a poan. Hali zɛse’esi ti gbirigbiri ka ba’ɛ bɔna la, nɛreba ka boi fai ge me tara putɛyiila la gbiregeri yɛla ti ba wuna la.
Baabule la yeti bem la putotuuma n boi tingɔŋɔ wa poan la?
Baabule la n tɔɣɛ putotuuma yele se’em
Baabule la pu’ulum biŋe ti putotuuma laɣum pa’asɛ la yelese’a n wan pa’alɛ ti “teŋa [wa] ba’ahegɔ” pɔ̃ri mɛ. (Matu 24:3) Yezu Krista n yuun tɔɣɛ yelese’a n wan pa’alɛ ti ba’asegɔ la pɔ̃ri mɛ la, a yuun yeti:
“Pototooma pa’ahegɔ zuo te nɛreba nɔŋerɛ la taaba wan ta bahɛ yoo.”—Matu 24:12.
Baabule la yeti “ba’ahegɔ dabeha la” poan nɛreba kan ‘tara nyɔkɛ n mea, tuna gbirigbiri tuuma, ka nɔŋɛ ba ita som.’ (2 Timoti 3:1-5) Hala ana wa n basɛ ti nɛreba tuna putotuuma zina beere wa.
Ge to tari la beere sa’am puti’irɛ. Baabule la pu’ulum biŋe ti la kan yue putotuuma kan le bɔna.
“La gee fiin wa, te potɔpa la kan bɔna. Ho wan ma’ɛn ho mɛŋa ɛ ba, ge ho kan nyɛ ba. Ge sunbogohomdoma la n wan sɔna teŋa la, nyɛ tara popeelom la tarega kantɛ sɛka n boe ka poan la.”—Yooma 37:10, 11.
Zamesɛ baŋɛ Baabule la n tɔɣɛ beere sa’am puti’irɛ yele se’em, la sɛla n sɔi ti to tara puti’irɛ ti yelese’a n iti zina beere wa la basɛ ti Baabule yetɔɣebiŋ’a tuna la tuuma. Bisɛ zaseŋɔ yele ana wa.
“A Real Hope for a Better Tomorrow”