Pigera Zontua INTANƐT TUUMA ZƐ'AN GƆNƆ ZAALEŊA
Pigera Zontua
INTANƐT TUUMA ZƐ'AN GƆNƆ ZAALEŊA
Farefare
Ɛ
  • ã
  • ɛ
  • ɛ̃
  • ɣ
  • ŋ
  • ɔ
  • ɔ̃
  • BAABULE
  • GƆNƆ
  • ZAMESEGƆ
  • ijwbq article 166
  • Ligeri N Ta’aseri Be’em Woo?

Vidiyo ka boi kalam.

Gaafara, daaŋɔ fii n boi vidiyo la poan.

  • Ligeri N Ta’aseri Be’em Woo?
  • Sokese’a Ti Baabule Lebese
  • Zupiɣesi
  • Ka Taaba
  • Baabule la lebesego
  • Baabule la tɔɣɛ ligeri yele la wani?
  • Beni n sɔi ti Baabule la kaɣɛ tɔ ti to da nɔŋɛ ligeri?
  • Baabule la n tɔɣɛ ligeri yele se’em la wan soŋɛ to la wani?
  • Ya Wan Tara Ya Ligeri Se’em
    Ho Deodoma Wan Ta’an Tara Pupeelum
  • Baabule La N Tɔɣɛ Tuuma La Ligeri Yɛla Se’em
    Tara Vom Somɔ Daarewoo!—Baabule Zamesegɔ N Wan Soŋɛ Hɔ
Sokese’a Ti Baabule Lebese
ijwbq article 166
Buraa n boi bim vaara ligeri zo’e zo’e.

Ligeri N Ta’aseri Be’em Woo?

Baabule la lebesego

Aayi. Baabule la ka yeti ligeri dela bunbɛ’a bii ligeri n ta’aseri be’em woo. Nɛreba n ni yeti “ligeri n ta’aseri be’em woo” la, daɣɛ bala ti Baabule la yele. Baabule la yeti “ligeri nɔŋerɛ n basɛ ti be’em woo bɔna.”a​—1 Timoti 6:10, King James Version, emphasis ours.

  • Baabule la tɔɣɛ ligeri yele la wani?

  • Beni n sɔi ti Baabule la kaɣɛ tɔ ti to da nɔŋɛ ligeri?

  • Baabule la n tɔɣɛ ligeri yele se’em la wan soŋɛ to la wani?

  • Baabule kaalegɔ zɛ’ɛsi n tɔɣeri ligeri yele

Baabule la tɔɣɛ ligeri yele la wani?

Baabule la yeti to san tara ligeri tuna tuuma soŋa soŋa la wan ta’an dɛna “te’elego” bo to. (Pa’ala 7:12) Leyɛ’ɛsa, Baabule la pɛɣɛ nɛresɛba n ni dekɛ ba ligeri la ba lɔɣɔrɔ bɔ’ɔra yɛri yɛri mɛ.​—Magaha 11:25.

Baabule la ka’am tɔ ti to da basɛ ti to puti’irɛ kɔ’ɔn bɔna ligeri poan. Ku yeti: “Da ba’ɛ kɔ’ɔn ti’isɛ ya la ligeri ma’a yele. Tari ya pupeelum la sɛla ti ya nyɛ.” (Hebru 13:5) To zamesɛ sɛla dela to mina ligeri tarega ge da ɛɛra taresum. To tuɣum basɛ ti sɛla ti to tara la seke tɔ n de wuu dia, lɔɣɔyɛɛtɔ la ga’aregɔ zɛ’an.​—1 Timoti 6:8.

Beni n sɔi ti Baabule la kaɣɛ tɔ ti to da nɔŋɛ ligeri?

Punya’andoma kan nyɛ daarewoo nyɔvore. (Epesus 5:5) Sɛla n sɔi la, punya’anɛ laɣum dɛna la baɣakaabegɔ bii pumpɔreŋɔ pu’usegɔ. (Kolose 3:5) Leyɛ’ɛsa, punya’andoma ni zaɣesɛ Baabule naresum yɛla la mɛ la wan eŋɛ se’em ti ba ta’an nyɛ ba boti sɛla la. Magaha 28:20 yeti, ‘se’em n ziɣeri ti a dɛna dakãrɛ tɔtɔ tɔtɔ wan namesɛ.’ La ta’an ta mɔbegɛ ba gaŋɛ ti ba bɔta ti ba tum be’o n de wuu vuusego, fãa, kinkisum, zuura nɛreba, bii kuura ba.

Hali ligebɔrɛ san ka basɛ ti nɛra tum be’em, la ta’an kelum daam en. Baabule la yeti “nɛreba basɛba boti ti ba tara mɛ, bala me n ne ta’asɛ ti pa’abe’ero kena na la bɛ̃regɔ nyɔgɛ ba.”​—1 Timoti 6:9.

Baabule la n tɔɣɛ ligeri yele se’em la wan soŋɛ to la wani?

To san ka basɛ ti ligeri pã’asɛ tɔ ge kelum tara sarum soŋa ita Naayinɛ n boti sɛla, to puurɛ wan pee ge ti a me wan soŋɛ tɔ. Naayinɛ yele sɛba n boti ba eŋɛ sɛla ti a puurɛ pee la yeti: “Mam kan malum basɛ hɔ, n me kan malum zaɣesɛ hɔ.” (Hebru 13:5, 6) A le yeti “se’em n de yelemɛŋɛrɛdaana wan to’e yɔɔre zo’e.”​—Magaha 28:20.

Baabule kaalegɔ zɛ’ɛsi n tɔɣeri ligeri yele

Pa’ala 7:12: ‘Ligeri dela te’elego.’

La vuurɛ: To san mina ligeri tarega la wan soŋɛ tɔ se’ere n sɔi la, la wan ta’an te’ele to yɛla ase’a poan.

Luke 12:15: “Nɛra san puɣum tara lɔɣɔrɔ zo’e zo’e, la daɣɛ a lɔɣɔrɔ la ti a tara la n wan bo en vom.”

La vuurɛ: Ligeri daɣɛ sɛla yele n pakɛ paa to vom poan ge ti la me kan ta’an fãɛ to basɛ.

1 Timoti 6:10: “Se’ere n sɔi la, ba nɔŋɛ ligeri la n sɔi ti pɔɣeleŋɔ woo paara ba ge ba kɔ’ɔn tiregera ɛɛra ligeri wa la basɛ ti ba bɔregɛ mɛ sakerɛ la poan ti wuŋerɛ zo’e zo’e paara ba.”

La vuurɛ: Laɣehɔ daɣɛ be’em. Ge nɛresɛba n nɔŋɛ ligeri ge ni kɔ’ɔn ti’isa ligeri ma’a yele la, ni basɛ mɛ ti daaŋɔ n de wuu bã’asi n paara ba la ba tuni zɔ’ɔra ti ba nyɛ ligeri la zuo ge ti la me gbi’ira ba yɛa.

Hebru 13:5: “Da nɔŋɛ ya ligeri ya vom poan ge basɛ ti sɛla ti ya tara la seke ya.”

La vuurɛ: To wan tuɣum tiregera ɛɛra taresum la, la wan ana soŋa ti to basɛ ti sɛla ti to tara la seke to.

Matu 19:24: “La tɔɛ ti buntata kɛ̃ Naayinɛ sɔ’ɔlum poan gana yuɣenɛ doose fupĩho yoko poan yese.”

La vuurɛ: Yezu yuun beem la bunbilipaalega n de buntata ti a dɛna a podɔla. Buraa la yuun zaɣesɛ mɛ, sɛla n sɔi la a suure n yuun ba’ɛ kɛ̃ a lɔɣɔrɔ la. Bala, Yezu yuun bo’ori la kaka. Nɛra san nɔŋɛ taresum gana Naayinɛ, a kan nyɛ daarewoo nyɔvore.

a Ba me le lerege kaalegɔ zɛ’an wa ti: “Ba nɔŋɛ ligeri la n sɔi ti pɔɣeleŋɔ woo paara ba.”

    Frafra Gɔnɔ (2000-2025)
    Yese
    Yu'ɛ
    • Farefare
    • Tɔ̃rɛ
    • Hon boti sɛla
    • Copyright © 2025 Watch Tower Bible and Tract Society of Pennsylvania
    • Yelese'a N Nari Ti Ho Mina
    • Suɣelum Yɛla
    • Privacy Settings
    • JW.ORG
    • Yu'ɛ
    Tɔ̃rɛ