Vom La Na’am Tuuma Zamesegɔ Viisegɔ Gɔŋɔ
DECEMBER 7-13
NAAYINƐ TUULUM YƐLA | MALEMA 10-11
“Nɔŋɛ Yehowa Gana Ho Yidoma”
it-1-E 1174
Gãleŋɔ
Bugum Yoo La Ko’ɛnka. Malema 10:1 Hebru yelebire zar (pɔɣenɛ, za·rahʹ; la vuurɛ dela, yelesaanɛ) ti ba dekɛ tum tuuma wuu Aron dayɔɔsi Nadab la Abihu n yuun “tare bugum yoo na tona . . . te la ka doohe Na’ayenɛ nɔɔrɛ la” ti Yehowa yuun basɛ ti bugum di ba ku la. (Mlm 10:2; Kan 3:4; 26:61) Pooren, Yehowa yuun yele Aron yeti: “Hom la ho dayɔɔhe la han ne ta yeti ya kɛn Sogorɛ la poan, da nyu ya daam bii sɛla n kele. Ya han nyu ya wan ki. Malema ana n boe bo ya buuri saŋa se’ehe woo n kene na la. Ya mina yelegera toolom la sɛla n de yoo. Sɛla n tare ganleŋɔ la sɛla n ka tare ganleŋɔ. Ya pa’alɛ Israeldoma la Na’ayenɛ malema la woo te a doohe Moses poan pa’alɛ a la.” (Mlm 10:8-11) Wana wa pa’alɛ ti Nadab la Abihu yuun buge mɛ n sɔi ti ba yuun kãbɛ suure dekɛ bugum n ka nari nyɔ̃ la. Gãleŋɔ la yuun ta’an dɛna la sansɛka, zɛsɛka bii soresɛka poan ti ba yuun dekɛ bugum la nyɔ̃ la. La me yuun ta’an dɛna ti ko’ɛnka la yuun daɣɛ ko’ɛnka sɛka ti Yehowa yuun pa’alɛ la ti la bɔna Yɛhega 30:34, 35. Daam n yuun boi ba nini la basɛ ti ba ka tara buurɔ.
w11-E 7/15 31 ¶16
Hon Boi Naayinɛ Vo’osego La Poan?
Moses suɔ, Aron dayɔɔsi bayi la yuun basɛ ti a nyɛ la yele. Ti’isɛ bisɛ la yuun ani en se’em la a dayɔɔsi Nadab la Abihu n yuun dekɛ bugum yoo eŋɛ nyɔ̃’a bo Yehowa ti A ku ba la. Bala yuun sa’am bamam la ba dɔɣereba teŋasuka mɛ. Ge yele n kelum bɔna. Yehowa yuun yele Aron la a dayɔɔsi la n tari sakerɛ la ti: “Da bahɛ ya zonto yirigam, bii ya aanhom ya futo. Ya han eŋɛ bala ya wan ki. Na’ayenɛ sunsunya wan taɛ bahɛ Israel zan’an zuo.” (Mal. 10:1-6) Yele la niɛ peelum mɛ. La nari ti to nɔŋɛ Yehowa gana to yidoma sɛba n ka tari sakerɛ.
Ɛɛra Vo’osum Poan Yɛla
w14-E 11/15 17 ¶18
La Nari Ti To Sareŋɔ Ana Kasi
To san bɔta ti to sareŋɔ ana kasi, la dela to geele Gulesegɔ la soŋa ge eŋɛ Naayinɛ n boti sɛla. Bisɛ Aron dayɔɔsi Nadab la Abihu n yuun buge ge dekɛ “bugum yoo” eŋɛ nyɔ̃’a ti Naayinɛ yuun ku ba la. (Mal. 10:1, 2) Bisɛ Naayinɛ n yuun yele Aron se’em. (Kaalɛ Malema 10:8-11.) Ba yele wa pa’alɛ ti la ka nari ti to nyu daam ge keŋɛ zamesegɔ? Ti’isɛ yele ana bisɛ: To ka boi Lɔɔ kaŋa poan. (Arom 10:4) Tisi ase’a poan, to mabiisi ta’an ni furegɛ daam fii ge di ge nyaa keŋɛ zamesegɔ. Ba yuun dekɛ la daam kɔpi sugumnɔɔrɛ bunaasi eŋɛ Azootole malema la. Yezu n yuun dekɛ a kum tiirɛ dabeserɛ la ze’ele la, a yuun basɛ ti a podɔleba la nyu la daam n ze’ele bo a ziim. (Mt. 26:27) Baabule la tɔɣɛ giisɛ daam zo’e zo’e nyua la buka mɛ. (1 Ko. 6:10; 1 Tim. 3:8) Kristakɔma zo’e zo’e san yeti ba tum vo’osum poan tuuma ba putɛkeeŋa la kan basɛ ti ba nyu daam. Ge yele la n de se’em la, bɔŋa la boi la to’ore to’ore teŋa woo poan ge sɛla n de ninmɔ’ɔrɛ dela Kristakɔma ta’an “mina yelegera toolom la sɛla n de yoo” la wan eŋɛ se’em ti to ta’an ana zilam ti Naayinɛ puurɛ pee.
it-1-E 111 ¶5
Dusi
Sɛba n yuun boi Moses Lɔɔ la poan ma’a n yuun doli dia kisigo wa ge yelese’ere n boi Malema 11:8 la yeti: “Ba dela ganleŋɔ bo ya,” yamam Israeldoma. Krista Yezu kaabegɔ la n yuun basɛ ti Moses Lɔɔ la yuun ka le tuna la zuo, ti kisere la ka le bɔna. Kokemɔ la n yuun ta ba’asɛ la, nɛresaala woo yuun nyɛ nyuurɔ mɛ la Naayinɛ n tɔɣɛ yelese’ere bo Noah la.—Kol 2:13-17; Pin 9:3, 4.
DECEMBER 14-20
NAAYINƐ TUULUM YƐLA | MALEMA 12-13
“To Zamesɛ Sɛla Konkom Lɔɔ La Poan”
wp18.1-E 7
La Kelum Tuna Tuuma Bii La Ka Tuni?
• Bã’adoma bɔna ba ma’a.
Moses Lɔɔ la pa’alɛ nɛresɛba n tari konkom n ka nari ti ba laɣena la nɛreba se’em. Yɔɔma Beere wa poan ti tibedoma nyaa pɔsɛ zamesɛ baŋɛ ti la nari ti ba tara ka’aŋɔ wa tuna tuuma bã’asi poan, ti la kelum soŋera paa zina beere wa.—Malema a zuo 13 la 14.
wp16.4-E 9 ¶1
Hon Mi?
Diimi Yudadoma la yuun tari dabeem mɛ la konkom n yuun ani se’em Baabule saŋa la. Bãyaalega wa yuun ta’an nyɔkɛ nɛra mɛ ta basɛ ti a tee ti ho puɣum kan ta’an le baŋɛ en. Konkom yuun ka tari tibegɔ sankaŋa la. Ge sɛba n yuun tari bã’a wa la, yuun nari ti ba bɔna ba ma’a ge me basɛ ti nɛreba baŋɛ ti ba tari bã’a wa.—Malema 13:45, 46.
it-2-E 238 ¶3
Konkom
Lɔɣɔyɛɛtɔ la yɛa poan. Konkom yuun ta’an bɔna kunte bii lɔɣɔyɛɛtɔ poan bii ganɛ lɔkɔ poan. Ba yuun ni san pee lɔɣɔrɔ wa, bã’a la ta’an yese bu poan mɛ ge ba yuun le eŋɛ la maaseŋɔ wɛlesa lɔɣetuna wa biŋera ba ma’a. Ge dɛ̃lemadɛ̃tɔ bii teŋaziim san kelum bɔna lɔkɔ la poan, bala pa’alɛ ti ku tari la konkom ti la nara ti ba nyɔ̃ lɔkɔ la. (Mlm 13:47-59) Dɛ̃lemadɛ̃tɔ bii teŋaziim yoko san bɔna yire la dangoone poan, malemadaana la nari ti a basɛ ti nɛreba da le lɛna yire la. Daanse’ere la wan nara ti ba fuɣɛ kuguse’a ti bã’a la bɔna bim la ge laɣɛ yire la bole la za’a nyaa tari bu ta ka’ɛ basɛ teŋa la kinkɛleŋa. Bã’a la san lebe yire la poan na, ba wan basɛ ti nɛreba gbi yire la basɛ ge nyaa vaɛ lɔɣɔse’a ti ba dekɛ mɛ yire la ta nyɔ̃. Ba yuun ni eŋɛ la maaseŋɔ miise yire la ti la nyaa ana filam. (Mlm 14:33-57) Nɛreba yeti konkom se’a n ni kɛ̃ fuo bii yire poan la, yuun ta’an dɛna pĩileŋɔ ge nɛreba kelum ka baŋɛ de wana mɔpi.
Ɛɛra Vo’osum Poan Yɛla
w04-E 5/15 23 ¶2
Malema Gɔŋɔ La Yelekpina
12:2, 5—Beni n sɔi ti pɔka dɔɣum poan ta’an basɛ ti a dɛna ‘dɛɣerɔdaana’? Pi’ileŋo poan la, asaala inya dɔɣum lɔɣɔrɔ la yuun kɔ’ɔn ana la kasi. Ge be’em n yuun ta kɛ̃ ba la zuo ti la nyaa taɛ ba yaasi za’a. Asaala be’em la zuo ti buraa la pɔka ga’aregɔ poan, peere saŋa la dɔɣum poan ni basɛ ti pɔka dɛna ‘dɛɣerɔdaana’ dabesa aŋa la. (Malema 15:16-24; Yooma 51:5; Arom 5:12) Ba yuun mi bala ge dɔla bala bɛɣesa bamea la yuun basɛ ti Israeldoma la baŋɛ ti asaala eeri la lua bunɔ ti a wan le ana kasi. Bala la, Lɔɔ la yuun dela ba ‘pa’alegɔdaana ti ba wan ta baŋɛ Krista.’—Galatia 3:24.
wp18.1-E 7
La Kelum Tuna Tuuma Bii La Ka Tuni?
• Ŋmaa Saŋa.
Naayinɛ Lɔɔ la yuun yeti ba san dɔɣɛ budibila, dabesa anii daarɛ la ba ŋma en. (Malema 12:3) Bilɛɛsi n ani se’em la, yia bakwai la ba’asegɔ pooren ti nɔregɔ wan ta’an bĩ’ɛ ba iŋa poan. Baabule saŋa la poan ti ba yuun ka tara zina beere tibego wa la, yɛm yuun boi bim ti ba gura ta paɛ bakwai ba’asegɔ pooren ge nyaa ŋma bia.
DECEMBER 21-27
NAAYINƐ TUULUM YƐLA | MALEMA 14-15
“Yelemɛŋɛrɛ Pu’usegɔ Nari Ti La Ana Filam”
it-1-E 263
Inya Sɔa
Gãleŋɔ yɛla zo’e zo’e zuo ti la yuun dɛna pɛregerɛ bɔ’ɔra Israeldoma ti ba sɔɔra malema sɔa. Nɛra san bɛ̃ ta yee konkom poan, nɛra san kalum se’em inya n “yehere ko’peelego,” buraa baalum san yese, pɔka san bɔna ka peere saŋa, pɔka la buraa ga’aregɔ poan yuun dela ‘dɛɣerɔ’ ti la nara ti ba sɔ. (Mlm 14:8, 9; 15:4-27) Nɛra san bɔna la kum tɛnti poan bii a kalum la kum, a dela ‘dɛɣerɔ’ nɛra ti la nara ti a sɔ inya. Nɛra san zaɣesɛ ka doose pa’alegɔ wa, “ŋmaa ya en ya buuri la poan bahɛ.” (Kan 19:20) Bala zuo ti inya sɔa yuun pa’alɛ ti ba ani la filam Yehowa nɛŋa. (Ym 26:6; 73:13; Isa 1:16; Eze 16:9) Yehowa yelesum la n ze’ele bo ko’om la, tari paŋa mɛ n wan ta’an basɛ ti nɛra ana filam.—Ep 5:26.
it-2-E 372 ¶2
Pɔka Peere
Pɔka me ziim san sigera daarewoo, a me wan dɛna la dɛɣerɔdaana ta paɛ se’em ma’a ti la wan go’e bii “dabeha la paɛ mɛ ge te ziim la kelom sigera,” lɔɣeseto ti a gã’a bii zi’a to zuo la, la nɛresɛka n kalum ba la dela ‘dɛɣerɔ.’ La san ta go’e ba’asɛ, dabesa ayopɔi daarɛ ti a wan ana filam. Dabesa anii daarɛ la, pɔka la dela a tari dawɛma bayi bii nadoma dawɛma bayi ta bo malemadaana la ti a eŋɛ be’em duusego kaabegɔ bo en. Malemadaana la wan dekɛ ayima la eŋɛ be’em duusego kaabegɔ ge dekɛ kayima la me eŋɛ nyɔ̃’a kaabegɔ.—Mlm 15:19-30; bisɛ CLEAN, CLEANNESS.
it-1-E 1133
Zilam Zɛ’an
2. Sogorɛ la yuun tee dɛna la pu’usegɔ deo. Sogorɛ la yuun dela zilam zɛ’an ge me tara zinzaka la kootin zɛ’an. (Yɛh 38:24; 2Ye 29:5; Tm 21:28) Lɔɣeseto n yuun boi zinzaka la poan la dela kaabegɔ daka bimbine la nyɔɣum peere laa. Lɔɣetuna yuun dela zilam lɔɣɔrɔ. Sɛba n yuun ani filam la ma’a n wan ta’an kɛ̃ sogorɛ la poan bala mea nɔɔ ti dɛɣerɔdaana yuun ka nari ti a kɛ̃ pu’usegɔ deo la poan. Makerɛ, pɔka yuun san bɔna a dɛɣerɔ saŋa poan, la ka nari ti a kalum zilam lɔɣɔrɔ bii a kɛ̃ zilam zɛ’an la. (Mlm 12:2-4) La niɛ peelum ti Israeldoma la yuun san tuna dɛɣerɔ tuuma la pa’alɛ ti ba dɛɣeri sogorɛ la mɛ. (Mlm 15:31) Sɛba n yuun tari konkom la san tari ba lɔɣɔrɔ wa’ana ti ba pee bamea, ba ni tari paɛ biŋe la pu’usegɔ deo la yaŋa nɔɔrɛ. (Mlm 14:11) Dɛɣerɔdaana san laɣum di suma’asum kaabegɔ dia la sogorɛ la poan bii pu’usegɔ deo la poan ba ku en.—Mlm 7:20, 21.
Ɛɛra Vo’osum Poan Yɛla
it-1-E 665 ¶5
Tuberɛ
Ba yuun loe Israel malemadoma la, Naayinɛ yuun yele Moses ti a dekɛ peraa la ziim la tɔkɛ Aron la a dayɔɔsi zuɔ tuberɛ la ba zuɔ nu’ɔ la ba zuɔ na’arɛ ti la pa’alɛ ti, ba kelesego la ba tuuma la ba itigo woo wan pa’alɛ la yelese’a n iti. (Mlm 8:22-24) Bala mea nɔɔ ti Lɔɔ la yuun pa’ala ti nɛra san tara konkom, la nari ti malemadaana la dekɛ peraa ziim la kaam la tɔkɛ konkone la zuɔ tuberɛ. (Mlm 14:14, 17, 25, 28) Naayinɛ yuun eŋɛ la maaseŋɔ ti yameŋa san nɔŋɛ a kpɛ’ɛma ge bɔta ti a bɔna a zɛ’an wuusa, a wan ta’an eŋɛ bala. Wana wa pa’alɛ ti kpɛ’ɛma la wan dekɛ kurego vuŋe yameŋa la tuberɛ. Dãalesum la n boi nɛra la tuberɛ la pa’alɛ ti yameŋa la yese a suure ti a wan kɔ’ɔn kɛlesa ge nana a kpɛ’ɛma la.—Yɛh 21:5, 6.
g-E 1/06 14, daka
Pĩileŋɔ Ani Soŋa Bii La Ka Ani Soŋa!
BAABULE SAŊA PĨILEŊƆ?
Baabule la yeti ‘konkom san bɔna yire poan,’ la pa’alɛ ti la boi la dangoone poan. (Malema 14:34-48) Nɛreba ti’isɛ ti konkom bãkana wa taaba mea nɔɔ n de “seo” bã’a la. La me ta’an dɛna bãsɛka n pɔ̃’ɔri inya ge nɛreba kelum ka mina bã’a la wana mɔpi. La yeen dɛna se’em, Naayinɛ Lɔɔ la yele yidaana woo ti la nari ti a fuɣɛ kuguse’a ti bã’a la bɔna bim la ge laɣɛ yire la bole la za’a nyaa tari bu ta ka’ɛ basɛ “teŋa la kenkɛleŋa.” Bã’a la san lebe yire la poan na, ba wan basɛ ti nɛreba gbi yire la basɛ ge nyaa vaɛ lɔɣɔseto ti ba dekɛ mɛ yire la ta basɛ. Pa’alegɔ wa n di mi’a la pa’alɛ la Yehowa n tari nɔŋɛrɛ ge me ti’isa a nɛreba bɔŋa poan yele se’em.
DECEMBER 28–JANUARY 3
NAAYINƐ TUULUM YƐLA | MALEMA 16-17
“Be’em Duusego Daarɛ La Pa’alɛ Hon La Bem?”
w19.11-E 21 ¶4
To Zamesɛ Sɛla Malema Gɔŋɔ La Poan
Kaalɛ Malema 16:12, 13. Ŋmaɛ Be’em Duusego Daarɛ wa ho puti’irɛ poan bisɛ: Malema nɛŋadaana ni kɛ̃ la sogorɛ la poan. Dabeserɛ la pɔsega poan, a nari ti a kɛ̃ Zilam Saraa la sugumnɔɔrɛ butã. A wan zãla lɔkɔ ti ko’ɛnka n tari nyuuŋo soŋɔ nu’o deyima poan ge ti nu’o deyima la me, a wan zãla bugumsaana. A wan teke ze’ele tanɛ la n pĩ zɛ’an ti a wan doose bim kɛ̃ Zilam Saraa la. Zoolum sore poan, a nari ti a kɛ̃ Zilam Saraa la ta ze’ele nɔbiŋere daka la nɛŋan. Wɔ̃sum sore poan, a ze la Yehowa Naayinɛ nɛŋan! Malemadaana la nyaa wan ka’ɛ zilam ko’ɛnka la eŋɛ bugum la poan ti nyuuŋo la pirɛ deo la poan. Pooren, a wan le dekɛ be’em bo’olum ziim la kɛ̃ Zilam Saraa la. Mina ti, a ni nyɔ̃ la ko’ɛnka ge nyaa dekɛ be’em bo’olum ziim la bo.
w19.11-E 21 ¶5
To Zamesɛ Sɛla Malema Gɔŋɔ La Poan
To zamesɛ la bem la ko’ɛnka la ti ba yuun tara tuna tuuma Be’em Duusego Daarɛ la? Baabule la dekɛ Yehowa n ni kelese a yamesi zusega se’em la makɛ la ko’ɛnka. (Ym. 141:2; Lil. 5:8) Tɛra ti zoolum sore poan ti malema nɛŋadaana la yuun ni tari ko’ɛnka la ta bo Yehowa. Bala mea nɔɔ ti, tomam me tara gilema bɔ’ɔra Yehowa to zusega poan. To tari la ɔmi’isa la en. To puurɛ pee mɛ la Naaŋɔdaana la n bo to yɔ’ɔ ti to ta’an lɛna en wuu bia n lɛni a sɔ se’em la. (Yam. 4:8) A dekɛ tɔ ti to dɛna la a zɔdoma! (Ym. 25:14) To puurɛ pee mɛ la yɔ’ɔ wa, ti to kan bɔta ti to eŋɛ sɛla n wan daam a suure.
w19.11-E 21 ¶6
To Zamesɛ Sɛla Malema Gɔŋɔ La Poan
Tɛra ti malema nɛŋadaana la yuun ni nyɔ̃ ko’ɛnka la mɛ ge nyaa ni kaabɛ kaabegɔ bo’olum la. A san eŋɛ bala, Naayinɛ wan to’e kaabegɔ bo’olum la. To zamesɛ la bem yele wa poan? Yezu n yuun boi teŋgɔŋɔ wa zuo la, a yuun tum la ninmɔ’ɔrɛ tuunɛ ge nyaa dekɛ a vom la faaɛ asaala basɛ. A yuun eŋɛ la bem? Yezu n yuun tari birikinte la yelemɛŋɛrɛ la, yuun soŋɛ en mɛ ti a ta’an kaabɛ a mea sose’ere poan ti Yehowa bɔta. Yezu yuun eŋɛ pa’alɛ ti la nari ti to vɔna to vom ge ita sɛla woo ti la makɛ la Yehowa n boti se’em. Yezu yuun eŋɛ pa’alɛ ti a Sɔ bisega la ma’a n di mi’a.
Ɛɛra Vo’osum Poan Yɛla
it-1-E 226 ¶3
Be’em Zia
Makɛ wuu tuntuna Paul n yuun pa’alɛ se’em la, Yezu yuun eŋɛ la sɛla n gani “lɔlehe la boohe ziim” la eŋa n yuun dekɛ a vom tisɛ asaala be’em zuo la. (Heb 10:4, 11, 12) Eŋa n yuun de “botela sɛka te gbaŋa la nyɔkɛ” la, ti ba ‘namesɛ en tomam zuo’ ge ti “tomam tobekperega zuo te ba pɔgɔlom en.” (Isa 53:4, 5; Mt 8:17; 1Pe 2:24) A yuun ‘ki’ bo la nɛresɛba n tari sakerɛ a kaabegɔ la poan la. A yuun eŋɛ la Naayinɛ n eŋɛ maaseŋɔ se’em ti a yese be’em basɛ la. Bala la, “Be’em Zia” butila la ze’ele bo la Yezu Krista kaabegɔ la.
w14-E 11/15 10 ¶10
Sɛla N Sɔi Ti La Nara Ti To Dɛna Zilam
Kaalɛ Malema 17:10. Yehowa yuun bo Israeldoma la nɔɔrɛ ti ba da di “ziim.” Kristabia woo ka nari ti a di duŋa bii nɛresaala ziim. (Tooma 15:28, 29) La wan dɛna palum-ɛ̃ka ti Naayinɛ ‘kan nam bo to’ ge wan yese to a tansugere la poan basɛ. To nɔŋɛ en mɛ ge bɔta ti to nana en. Hali to vom san puɣum bɔna dɛŋa poan, to kɔ’ɔn lu la to suure ti to kan eŋɛ sɛba n ka mi Yehowa ge me ka nana en la suure n boti sɛla. Sira, to mi ti nɛreba wan zɛregera tɔ la to ka to’oseri ziim la ge to wan tuɣum nana la Naayinɛ nɔɔrɛ. (Yude 17, 18) Putɛse’ere ti to baŋɛ yele wa poan la wan soŋɛ to la wani ti to ‘lu to suure’ ti, to kan di bii to’e ziim?—Tɛɛ. 12:23.