Jhibho- -ghlu ka

2 Kolɛntɩ 2:17

DHƐ KƆANDƖ -ˈYEA NƲN ƐN: -Ka -man ghlua see ˈkamɔn- -ˈye -ghlu. ˈDhe -manˈ -ghlusʋn ˈdhi ɛ, dhɛ -man naan -tɔˈ i ˈdhe -manˈ bo -e ɲʋn -an poa ʋn -dheinˈˈ bho ʋaˈ dɩ ˈdhi ɛ, toɛ.

-KA -ˈYEA NƲN ƐN:

• Bhae- Ɲɔnsoa, ˈcɩan -manˈ bo -kajɔɔnka. Bhae- Ɲɔnsoa ɔ ˈye ʋn sʋn bho po -ˈye ˈe -manˈ bo ˈˈjhri kpʋn -wɛeˈ dhɛ ooˈˈ dhɛ -saˈ -manˈ ˈˈjhri ˈsɔɔn -za. Dhɩ aˈ kpɛ kɔandɩ -man ˈbɔan -ˈyea ˈtmʋn ˈdhe -manˈ bo ˈdhi ɛ, -ˈbhlee ɩ ˈˈdhru ˈdhi. -Ka -man ghlua see ˈkamɔn- -ˈye -ghlu. -Manˈ zro -e -manˈ bo ɔˈ ˈsɛɛ ˈdhii -dhe.

• Dhɛ -man ˈtmʋan ˈye ˈe -manˈ -pɛɛ bho ˈghlʋ. Dhɛjɛɛn- -manˈ bo ˈyea ɲʋn -an poa ʋn -dheinˈˈ bho ˈˈdhru i nʋn ɛn, -naaɛn -tɔˈ ˈˈkpe i. -ˈBhlee- ʋaˈ dɩ ˈˈdhru ˈdhi. -Manˈ i-ɲnansʋn -e -manˈ sɩn i-posʋn -e -manˈ ˈˈjhibha ˈyeɛ -to -ka dɩ -man ˈtmʋan ˈˈsia ʋn -gwlɩˈˈ ˈˈdhe ɩn nɩan -gwlɩˈˈ -de ka.

• -Ŋmʋn ɲʋn -man ghlua ˈe bho jha. -Bho ɛ -nmɔn ˈo dhi ɛˈ, -ŋmʋn ɲɔn -man ghlua ˈe bho jha. -Bho -man sa bo bhla ˈbho ˈˈkpa ˈˈkpe ɛˈ, ɲʋn nɩan ˈbhoo- ˈˈjhibhaˈ a, -ŋmʋn ʋbʋ jha -dhueˈ -dhueˈ.