Toɛ -ka dea dhɛ -man ˈtmʋan -gwlɩˈˈ ɛ

1 Tesalɔsɩ 1:5

DHƐ KƆANDƖ -ˈYEA NƲN ƐN: -Ka deɛ -gwlɩˈˈ ˈjɛɛn- -ka dhɛ -man ˈtmʋan nɩan -tɔˈdɩ ˈˈdhe ɛ kɔandɩ ɛ, toɛ ˈdhe -manˈ -ghlusʋn ˈdhi.

-KA -ˈYEA NƲN ƐN:

• ˈCɩan -manˈ bo -kajɔɔnka. Dhɩ kɔandɩ -ˈyea ˈtmʋn ˈdhe -manˈ bo ˈdhi ɛ, ˈcɩn -kajɔɔnka ˈˈdhe -ka Biiblʋ a toɛ -ka ɩn nɩan -tɔˈdɩ ɛ, ɲʋn ˈyeɛ ˈjhe. -Manˈ ˈtmʋn -e dɩ -duuˈˈ -dhe, ɩanˈ iˈŋwɔan anˈ kmanˈˈ -dhe -ke. ˈJɛɛn- ɛ ˈyea ɲʋn -an poa ʋn -dheinˈˈ bho ˈˈdhru i nʋn ɛn, ɛmɛn- -ˈye ˈˈdhru ˈdhi ˈbhlee-. Bhae- Ɲɔnsoa ɔ ˈye ʋn ɔɔˈ -zuu ˈˈɲɩn.

• -Manˈ -ghlusʋn ˈyeɛ -to -ka dea dhɛ -man ˈtmʋan -gwlɩˈˈ ɛ. ˈSɛɛ- -manˈ bo tbha ˈo ˈˈkpe ɛ, -ka -ˈyea dhɩ nɩan ˈe ɛ ˈdhi ˈtmʋn ˈˈdhe ɩn ˈyea ʋn kwa i ˈghlʋ ɛ, ɛmɛn- -ˈye nʋn. -Ka -ˈyeɛ ˈtmʋn -wɛeˈ ɲʋn ˈyeɛ ˈjhe -ka dea dhɛ -man ˈtmʋan -gwlɩˈˈ ɛ, ˈkamɔn- -ˈye nʋn.

• -Jheˈ ɲʋn ŋwɔn ˈdhe -manˈ -ghlusʋn ˈdhi. Kpa ghlu ˈˈjha -kajɔɔnka -ˈye -ghlu. -Bho ɛ nmɔn- ˈo dhi ɛˈ, -ŋmʋn ɲʋn -an poa ʋn -dheinˈˈ bho jha.