-Kuu -pɛɛ i

Biiblʋ aˈ ˈsrɩn: “-Ka ˈcran -e ansan an poa -pɛɛ ˈmʋnain ɛn, ˈkamɔn- ˈdhaidhɛ- ˈdhɔɛeˈ tbha ˈo ˈsrɩn ˈghwlʋaˈ ˈe -pɛɛ bho -nɩn -ke.”—Prov. 27:9.

-Ka Zezi nʋan

VIDEO: Zezi ɔ ˈˈduɛˈˈ ɲʋnbhlei- dhueˈ nɩan ˈˈghwliɛjhei ˈsrɩn

1. -ˈJhe VIDEO i -aeˈˈ zro Marc 10:17-22. -ˈMɛn -za ˈe ideedɩ- nɩn:

1. Kplɩn ˈdhɔɛeˈ -wɛ ɛgwɛ Zezi ˈjhe ˈdhe ɲʋnbhlei- nɩan ˈˈghwliɛjhei -ˈnɔn ˈmʋn -ɛn?
2. Zezi ˈyea ˈˈjhu -ˈnɔn ˈsrɩn ˈˈdu ɛ, dhɛɛdɩ- ɛ -kɔn dɩ ɔ ˈye ɔɔˈ dɩ -kman- ˈˈdhe ɔ ˈye -pɛɛ i -kuu -dhe -ɛ?

2. Ɛ -kɔn dɩ -a ˈye ɲʋn -aa tɔɔan dhɛ ʋaˈ dɩ -kman ˈklaa dhɛ ʋʋ ˈyea nʋn gblein -wɛeˈ ʋaˈ ɲɔnsoadhɛ ˈyea ɲan mun ɛn, -a ˈyʋbʋ -tɔɔn -ke.

3. Po ɲɔn -man tɔɔan dhɛ sʋn bho ɔ ˈye ˈo dhɛ -za ɔ ˈye nʋn.

1. -Nʋʋn ˈfɔ -ɔɔˈ ˈˈdhru nɩan “Dhɛ -ˈbhɛɛa -ˈyea nʋn ɛn” -ɛ nɩan ˈe Aʋ ˈjhe -bɔyaˈˈ sea ˈˈtianˈ ˈbhle! ɛɛˈ ˈcɩaandhɩ ˈdhi dhbhoˈˈ.
2. Po -manˈ dhɛcɩain sʋn bho -wɛeˈ dhɩ kɔan dɩ ɔ ˈyea nʋn ˈˈdhe ɔ ˈyea dhɩ ɔ za ˈo ɔ ˈyea nʋn zianˈ -e ˈdhe ˈkmʋn anˈ ɲan ˈbho -ɲnian an, ɔ ˈyɩ jhibho-.
3. -Ka ɲɔn -man tɔɔan dhɛ ɔɔ ˈˈduaˈˈ dhɩ ɔɔ ˈcɩan ˈˈjhriɛ ɛ, poɔ dɩ bho.

4. Jhibho- dhɩ -ɩan- kaan ɲɔn -man tɔɔan dhɛ jie -ˈmɛn poɔ sʋn bho ɔ ˈyɩ ˈˈdhru ˈjha.

1. Dee- -manˈ ˈˈjɛ i:
- ‘-Bho ɲɔn ˈman tɔɔan dhɛ ɔˈ nʋn dhɩ ɔ ˈyea nʋn -wɛeˈ ɔ ˈyea ˈˈnin ˈzɔn -jhii ɛˈ, dhɛwɛ- -ɛɛ kɔɔn jie -ɛ?’
- ‘Dhɛwɛ- ˈɩn ˈbhɛɛ ˈye nʋn -wɛeˈ ˈyeɔ sʋn bho po -ɛ?’
2. Bhae- ˈˈdhe -ˈye -pɛɛ i -kuu -ˈye -manˈ dhɛcɩain dhɛ ɔ ˈyea nʋn gblein ˈtmʋʋn- ˈdhe ɲʋndɩkman- ˈmʋn.

5. Ɲɔn -ɔnˈ ˈˈduaˈˈ dhɩ ɔɔ ˈcɩan ˈˈjhriɛ ɛ, -ɲnaan ɔɔˈ dhɛ -tɔɔɛn in.

1. -Bho -ˈyɩ jhibho- -ka ɔɔˈ dhɛcɩan an poa ˈo dhɛ -aeˈˈ ɛɛˈ poa ˈo dhɛ ɛˈ, dee- -manˈ ˈˈjɛ i:
- ‘Ɔɔ ˈˈdu dhɩ ɔɔ ˈcɩaan ˈˈjhriɛ ˈmɛn?’
- ‘Ɔɔ jhi ɲɔnsoagbu aˈ ˈˈdhruigbooɛ ˈmʋn ˈmɛn ˈˈdhe ɔɔ bhla dhɩ ɔɔ ˈcɩaan anˈ bo ˈmɛn ˈdhe ɲʋn -ˈnʋʋn bho?’
- ‘-Bho ɔ ˈcɩan dhɩ ˈdhe nɔnˈˈ -duuˈˈ ˈdhi ɛˈ, ɔɔ ˈbɔn ɔ ˈye Zoova aˈ Bobhlai ˈkpa?’
2. -Bho Biiblʋ ˈcɩain ˈse ˈbɔn ɔ ˈye dhɩ ɔɔ ˈcɩan ˈˈjhriɛ ˈˈdu ɛˈ:
- ˈTmʋɔn ɔ ˈye dhɛ ˈbhɛɛa -ɛ ˈyeɔ jie -kaan anˈ dɩ tɔˈ ˈˈkpei -naan.
- Dhɛɛdɩ- aʋ ˈyea dhɛcɩan i -ɲnaan an, ˈtmʋɔn ˈdhe ŋwɔnpeɛ ˈmʋn.
- ˈTmʋɔn dhɛ ɔ ˈyea nʋn -wɛeˈ aʋ ˈyea dhɛcɩan dhe -za a.

Ps. 141:5; Prov. 25:12; 27:6; 1 Cor. 9:26; Col. 4:5, 6